ဩစတေးလျနိုင်ငံတွင် NUG ကိုယ်စားလှယ်ရုံး ဖွင့်လှစ်

 .

ဩစတေးလျနိုင်ငံအစိုးရ ရုံးစိုက်ရာ ကင်ဘာရာမြို့တွင် ယမန်နေ့ ဩဂုတ်လ ၄ ရက်က အမျိုးသားညီညွတ်ရေးအစိုးရ (NUG) ကိုယ်စားလှယ်ရုံးကို စတင်ဖွင့်လှစ်ခဲ့ကြောင်း သိရသည်။

.

.

ရုံးဖွင့်ပွဲသို့ ဩစတေးလျအစိုးရ ထိပ်ပိုင်းအရာရှိများ၊ ဩစတေးလျနိုင်ငံ၏ အင်အားကြီးပါတီ ၂ ခုမှ လွှတ်တော်အမတ် များ၊ တစ်သီးပုဂ္ဂလအမတ်များ တက်ရောက်ခဲ့ကြောင်း သိရသည်။

.

ဩစတေးလျနိုင်ငံခြားရေးဝန်ကြီးရုံးကမူ ရုံးဖွင့်ပွဲကို မတက်ရောက်နိုင်သည့်အတွက် တောင်းပန်စာ ပေးပို့ခဲ့သည်ဟု အမျိုးသားညီညွတ်ရေးရုံး ကိုယ်စားလှယ် ဒေါက်တာ ထွန်းအောင်ရွှေက ပြောဆိုသည်။

.

NUG ၏ ကိုယ်စားလှယ်ရုံးများကို ချက်၊ ဗြိတိန်၊ နော်ဝေ၊ ပြင်သစ်၊ ကိုရီးယား၊ ဩစတေးလျနှင့် ဂျပန်နိုင်ငံ တို့တွင် ဖွင့်လှစ်ထားရှိပြီး မလေးရှားနိုင်ငံနှင့် အခြားနိုင်ငံအချို့တွင်လည်း ရုံးခန်းဖွင့်လှစ်နိုင်ရန် ကြိုးပမ်းလျက် ရှိကြောင်း သိရသည်။

.