စစ်ကောင်စီက ကျူးလွန်သည့် စစ်ရာဇဝတ်မှုများကို မှတ်တမ်းပြုစုပြီး တရားစီရင်ရမည်ဖြစ်ကြောင်း NUG ဝန်ကြီး ဦးလွင်ကိုလတ် ပြော - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီက ကျူးလွန်သည့် စစ်ရာဇဝတ်မှုများကို မှတ်တမ်းပြုစုပြီး တရားစီရင်ရမည်ဖြစ်ကြောင်း NUG ဝန်ကြီး ဦးလွင်ကိုလတ် ပြော

.

စစ်ကောင်စီက ကျူးလွန်သည့် စစ်ရာဇဝတ်မှုများကို မှတ်တမ်းပြုစုပြီး တရားစီရင်နိုင်ရေး ဆောင်ရွက်ရမည်ဖြစ် ကြောင်း အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန ဦးလွင်ကိုလတ်က ပြောဆိုခဲ့ သည်ဟု သိရသည်။

.

.

စစ်ကိုင်းတိုင်း၊ မကွေးတိုင်းအတွင်းရှိ ပြည်သူ့လုံခြုံရေးအဖွဲ့များ နှင့် ပြည်ထောင်စုဝန်ကြီး ဦးလွင်ကိုလတ်တို့ တွေ့ဆုံ ဆွေးနွေးပွဲကို ယနေ့ ဩဂုတ်လ ၃ ရက်၊ နေ့လယ်ပိုင်းက ပြုလုပ်ရာ တွေ့ဆုံပွဲတွင် ပြည်ထောင်စုဝန်ကြီးက ယင်းကဲ့သို့ ပြောဆိုခဲ့ခြင်းဖြစ်သည်။

.

ပြည်ထောင်စုဝန်ကြီးက မြို့နယ်ပြည်သူ့လုံခြုံရေးအဖွဲ့များအနေဖြင့် ပြည်သူ့ရဲတပ်ဖွဲ့လုပ်ငန်းများကို မြေပြင်တွင် ထိထိရောက်ရောက် ဆောင်ရွက်နိုင်ရေး လုပ်ဆောင်ရမည်ဖြစ်ကြောင်း၊ နယ်မြေစိုးမိုးထိန်းချုပ်နိုင်ရေးသည် လုံခြုံရေး နှင့် တရားဥပဒေစိုးမိုးမှုအပေါ် များစွာ အရေးပါကြောင်း၊ ဖွဲ့စည်းထားရှိပြီးဖြစ်သည့် မြို့နယ်ပြည်သူ့လုံခြုံရေးအဖွဲ့ (ပလဖ) များကိုလည်း လိုအပ်သော သင်တန်းများ ပေးနိုင်ရေး စီစဉ်ဆောင်ရွက်လျက်ရှိကြောင်း၊ လက်ရှိကာလတွင် ပြည်သူလူထု၏ လူမှုဘဝ လုံခြုံရေးအတွက် ပြည်သူ့လုံခြုံရေးအဖွဲ့များအနေဖြင့် ဝိုင်းဝန်းစုစည်းညီညွတ်စွာ ကြိုးစား ကြစေလိုကြောင်း ပြောကြားခဲ့သည်။

.

ထို့နောက် တက်ရောက်လာသူများက ပြည်သူရဲတပ်ဖွဲ့၏ လက်ရှိ ဆောင်ရွက်ချက်များ၊ မြို့နယ်ပြည်သူ့လုံခြုံရေးအဖွဲ့ (ပလဖ) များ စနစ်တကျ ဖွဲ့စည်းထားရှိရေး၊ မြို့နယ်ပြည်သူ့အုပ်ချုပ်ရေးအဖွဲ့များနှင့် ချိတ်ဆက်လုပ်ဆောင်နိုင်ရေး၊ အမှုအခင်းကိစ္စရပ်များကို နည်းလမ်းတကျ ကိုင်တွယ်ဆောင်ရွက်နိုင်ရေး စသည့်ကိစ္စရပ်များကို ဆွေးနွေးခဲ့ကြကြောင်း သိရသည်။

.

အဆိုပါ အစည်းအဝေးသို့ ပြည်ထောင်စုဝန်ကြီး ဦးလွင်ကိုလတ်နှင့်အတူ အမြဲတမ်းအတွင်းဝန်၊ တွဲဘက်အတွင်းဝန်၊ ပြည်သူ့အုပ်ချုပ်ရေးဦးစီးဌာန ညွှန်ကြားရေးမှူးချုပ်နှင့် တာဝန်ရှိသူများ၊ ပြည်သူရဲတပ်ဖွဲ့မှ ရဲချုပ်၊ ဒုရဲချုပ်နှင့် ရဲအရာရှိ များ တက်ရောက်ခဲ့ကြောင်း သိရသည်။

.

Journal Download

Photo of three cats