ကချင်တော်လှန်ရေး အင်အားစုများနှင့် လက်တွဲကာ ဖယ်ဒရယ်ဒီမိုကရေစီပြည်ထောင်စု တည်ဆောက်သွားမည်ဟု NUG သဝဏ်လွှာ ပို့ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကချင်တော်လှန်ရေး အင်အားစုများနှင့် လက်တွဲကာ ဖယ်ဒရယ်ဒီမိုကရေစီပြည်ထောင်စု တည်ဆောက်သွားမည်ဟု NUG သဝဏ်လွှာ ပို့



ကချင်တော်လှန်ရေး အင်အားစုများနှင့် လက်တွဲကာ စစ်အာဏာရှင်စနစ်ကို ဖြုတ်ချပြီး ကချင်လူမျိုးများ အပါအဝင် မြန်မာနိုင်ငံ တိုင်းရင်းသားအားလုံး လိုလားသည့် ဖက်ဒရယ်ဒီမိုကရေစီပြည်ထောင်စုကို တည်ဆောက်သွားမည်ဟု အမျိုးသားညီညွတ်ရေးအစိုးရ (NUG) က သဝဏ်လွှာ ပေးပို့ခဲ့သည်။

.

ယနေ့ ဩဂုတ်လ ၁၀ ရက်တွင် ကျရောက်သည့်  ကချင်တော်လှန်ရေးအတွက် အသက်ပေးသွားကြသော ကချင်အာဇာနည် ခေါင်းဆောင်ကြီးများကို အောက်မေ့သည့် အထိမ်းအမှတ်ဖြင့် ပြုလုပ်သော (၄၇) နှစ်မြောက် ကချင်အာဇာနည်နေ့ (Share Shagan Nhtoi) အထိမ်းအမှတ်အဖြစ် ပေးပို့သည့် သဝဏ်လွှာတွင် ယင်းကဲ့သို့ NUG က ပြောဆိုခဲ့ခြင်း ဖြစ်သည်။

.

ကချင်လူမျိုးများ၏ ကိုယ်ပိုင်ပြဌာန်းခွင့်နှင့် နိုင်ငံရေးတန်းတူညီမျှခွင့် အတွက် ရွပ်ရွပ်ချွံချွံ တာဝန်ထမ်းရွက်နေသော ကချင်တော်လှန်ရေး ဖခင်ကြီးများအား တော်လှန်ရေး မှေးမှိန်ပျောက်ကွယ်ရန် ရည်ရွယ်၍ အာဏာရှင်များက ၁၉၇၅ ခုနှစ် သြဂုတ်လ အစောပိုင်းရက်များတွင် စနစ်တကျ လုပ်ကြံသတ်ဖြတ်ခဲ့သော်လည်း ကချင်တော်လှန်ရေးသည် ဦးမကျိုးခဲ့ဘဲ (၄၇) နှစ်တိုင်တိုင် ဆင့်ကဲပြောင်းလဲ တာဝန်ထမ်းရွက်မှုဖြင့် ကချင့်တော်လှန်ရေးတပ်ဦးဖြစ်သည့် KIO/KIA ကို ညီညွတ်စွာ စုစည်း၍ ဆက်လက် ဦးဆောင်ချီတက်နိုင်ခဲ့သည်မှာ လေးစားဂုဏ်ယူဖွယ် ဖြစ်ကြောင်း သဝဏ်လွှာတွင် ဖော်ပြထားသည်။

.

အမျိုးသားညီညွတ်ရေးအစိုးရသည် ခေတ်အဆက်ဆက်က တိုင်းရင်းသားလူမျိုးများ၏ နိုင်ငံရေးအရ ရပိုင်ခွင့် အခွင့်အရေးများကို လျစ်လျူရှုကာ လက်နက်အားကိုး အုပ်ချုပ်ခဲ့သော အာဏာရှင်စနစ်ကို အပြီးသတ် ချေမှုန်းပြီး ကချင်လူမျိုးများ အပါအဝင် တိုင်းရင်းသားလူမျိုးများ အားလုံးလိုလားသည့် အမျိုးသားတန်းတူရေး၊ ကိုယ်ပိုင်ပြဌာန်းခွင့်နှင့် ဒီမိုကရေစီကို အပြည့်အဝ အာမခံသည့် စစ်မှန်သော ဖက်ဒရယ်ပြည်ထောင်စုကို တည်ဆောက်ရန် သန္နိဌာန်ချထားသည့် အစိုးရ ဖြစ်ကြောင်းကိုလည်း သဝဏ်လွှာတွင် ဖော်ပြခဲ့သည်။

.

Journal Download

Photo of three cats