ကရင်အမျိုးသားအစည်းအရုံး (KNU) သထုံခရိုင်၊ ကရင်အမျိုးသား လွတ်မြောက်ရေးတပ်မတော် (KNLA) တပ်မဟာ (၁) စီမံအုပ်ချုပ်မှု နယ်မြေအတွင်း မည်သည့် အဖွဲ့အစည်းမှ အုပ်ချုပ်ရေးဆိုင်ရာ ယန္တယားများ ဖွဲ့စည်းတည်ဆောက်ခြင်းများကို ခွင့်မပြုကြောင်း KNU က ယနေ့ ဩဂုတ်လ ၅ ရက်တွင် ထုတ်ပြန်သည်။
.
ထို့အတူ မည်သည့် အဖွဲ့အစည်းမှ KNU ၏ စည်းမျဥ်းစည်းကမ်းနှင့် မကိုက်ညီသည့် စည်းရုံး ဖွဲ့စည်းခြင်းကို ခွင့်မပြုကြောင်းနှင့် ပြည်သူလူထုအပေါ် နိုင်ငံရေးဆိုင်ရာ ဝိဝါဒ ကွဲပြားစရာများ ဖြစ်ပေါ်စေခြင်း၊ နားလည်မှု ကွဲလွဲဖြစ်ပေါ်စေခြင်း၊ ပြည်သူလူထုများ၏ လုံခြုံမှုကို ထိခိုက်စေခြင်း၊ အခွင့်အရေး ဆုံးရှုံးစေခြင်း စသည့်လုပ်ရပ်များ စည်းရုံးဖွဲ့စည်းခြင်းများကို ခွင့် မပြုကြောင်းလည်း ဖော်ပြပါရှိသည်။
.
အဆိုပါ ကြေညာချက်ကို ကရင်အမျိုးသားအစည်းအရုံး (KNU)၊ သထုံခရိုင် တပ်မဟာ (၁) ခရိုင်အမြဲတမ်းကော်မတီက ထုတ်ပြန်ထားခြင်း ဖြစ်သည်။
