KNU-မုန်းမြို့နယ်အတွင်း စစ်ကောင်စီတပ်က ရဟတ်ယာဉ်ဖြင့် လာရောက်ပစ်ခတ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

KNU-မုန်းမြို့နယ်အတွင်း စစ်ကောင်စီတပ်က ရဟတ်ယာဉ်ဖြင့် လာရောက်ပစ်ခတ်

.

ကရင်အမျိုးသားအစည်းအရုံး-မုန်းမြို့နယ် စီမံအုပ်ချုပ်မှုနယ်မြေအတွင်းရှိ ကနစိုးပင် ကျေးရွာသို့ ယနေ့ ဩဂုတ်လ ၂၃ ရက်၊ နံနက်ပိုင်းက စစ်ကောင်စီတပ်မှ ရဟတ်ယာဉ်ဖြင့် လာရောက်ပစ်ခတ်ခဲ့ကြောင်း သိရသည်။

.


.

ကနစိုးပင်ကျေးရွာအနီးတွင် ယနေ့ ဩဂုတ်လ ၂၃ ရက်၊ နံနက် ၅ နာရီခွဲခန့်က ကရင်အမျိုးသားလွတ်မြောက်‌ရေး တပ်မတော် (KNLA) တပ်ရင်း (၈) နှင့် စစ်ကောင်စီတပ်များ မိနစ် ၄၀ ကြာ ထိတွေ့တိုက်ပွဲ ဖြစ်ပွားခဲ့ပြီးနောက် နံနက် ၇ နာရီခွဲခန့်အတွင် စစ်ကောင်စီတပ်က ကနစိုးပင်ကျေးရွာအတွင်းသို့ ရဟတ်ယာဉ်ဖြင့် လာရောက်ပစ်ခတ်ခဲ့ခြင်း ဖြစ်ကြောင်း သိရသည်။

.

ယင်းကဲ့သို့ရဟတ်ယာဉ်ဖြင့် လာရောက်ပစ်ခတ်ခြင်းများ ပြုလုပ်ခြင်းကြောင့် ဒေသခံပြည်သူများ ကြောက်လန့်လျက် ရှိပြီး ဘေးလွတ်ရာသို့ ထွက်ပြေး တိမ်းရှောင်နေရကြောင်း သိရသည်။

.

KNU−မုန်းမြို့နယ်စီမံအုပ်ချုပ်နယ်မြေအတွင်းရှိ ကနစိုးပင်ကျေးရွာ အတွင်းတွင် အိမ်ခြေပေါင်း ၂၂၀ ခန့်နှင့် လူဦးရေ ၁၁၁၇ ဦးခန့်နေထိုင်ပြီး တိုက်ပွဲများမကြာခဏဆိုသလို ဖြစ်ပွားလျက်ရှိသော နေရာတစ်ခု လည်းဖြစ်ကြောင်း သိရသည်။

.

Journal Download

Photo of three cats