KNU လက်အောက်ခံတပ်များမှ ၎င်းတို့စခန်းကို လာရောက် ပစ်ခတ်ပါက ကျေးရွာအတွင်းသို့ ပြန်လည် ပစ်ခတ်မည်ဟု ဘီးလင်းမြို့နယ်၊ ဝင်းတာပန်(တာပေါ) ကျေးရွာအတွင်း၌ တပ်စွဲထားသော အာဏာသိမ်း စစ်ကောင်စီတပ် စခန်းမှူးက ရွာသားများကို ခေါ်ယူ ခြိမ်းခြောက်ခဲ့ကြောင်း သိရသည်။
.
ဝင်းတာပန် စစ်ကောင်စီ စခန်းမှူးသည် သြဂုတ်လ ၁ ရက်၊ နံနက်ပိုင်းတွင် ဝင်းတာပန်ကျေးရွာရှိ ရပ်မိရပ်ဖများကို ခေါ်ယူ စည်းဝေးကာ ယင်းကဲ့သို့ ခြိမ်းခြောက် ပြောဆိုခဲ့ခြင်း ဖြစ်သည်ဟု KNU က ယနေ့တွင် ထုတ်ပြန်ခဲ့ခြင်း ဖြစ်သည်။
.
အဆိုပါ စစ်ကောင်စီတပ်သည် စကခ (၈) လက်အောက်ခံ ခမရ (၄၁၀) တပ် ဖြစ်ကာ ပြီးခဲ့သည့် ဇူလိုင်လ ၃၁ ရက်၊ ညပိုင်းတွင် KNU လက်အောက်ခံ တပ်များမှ သွားရောက် ပစ်ခတ်ခဲ့ပြီးနောက် စစ်ကောင်စီစခန်းမှူးက ရွာသားများကိုခြိမ်းခြောက် ပြောဆိုခြင်း ဖြစ်ကြောင်း သိရသည်။
