ဖာပွန်ခရိုင်အတွင်းရှိ စစ်ကောင်စီစခန်းများကို KNLA ဝင်တိုက်ရာ စစ်ကောင်စီတပ်သား ၄ ဦး သေဆုံး

.

ဖာပွန်ခရိုင်အတွင်းရှိ စစ်ကောင်စီတပ်စခန်းများကို ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၅) မှ ဝင်ရောက်တိုက်ခိုက်ခဲ့ရာ စစ်ကောင်စီတပ်သား ၄ ဦး သေဆုံးခဲ့ကြောင်း မူတြော်သတင်းစဉ်တွင် ဖော်ပြထားသည်။

.

.

ကရင်အမျိုးသားအစည်းအရုံး၊ ကော်သူးလေ ထိန်းချုပ်နယ်မြေ၊ မူတြော် (ဖာပွန်) ခရိုင်၊ ဖာပွန်မြို့အနီးရှိ စစ်ကောင်စီ၏ မယားငယ်ကုန်းစခန်းကို ဩဂုတ်လ ၂၈ ရက်၊ နံနက် ၉ နာရီခန့်က KNLA တပ်မဟာ (၅) လက်အောက်ခံ တပ်ရင်း (၁၅) မှ ခြုံခို ဝင်ရောက်တိုက်ခိုက်ခဲ့ရာ စစ်ကောင်စီတပ်သား ၂ ဦး သေဆုံးသွားခဲ့ကြောင်း သိရသည်။

.

အလားတူ ယင်းနေ့ နံနက် ၁၁ နာရီအချိန်ခန့်တွင် KNLA တပ်မဟာ (၅) လက်အောက်ခံ တပ်ရင်း (၁၀၂) တပ်ဖွဲ့များက မူတြော်ခရိုင်၊ ဒွယ်လိုးမြို့နယ်၊ လှဂွန်းးပျိုအခြေစိုက် စစ်ကောင်စီစခန်းတစ်ခုကို ဝင်ရောက်ပစ်ခတ်ရာ စစ်ကောင်စီ တပ်သား တစ်ဦး သေဆုံးခဲ့ကြောင်း သိရသည်။

.

ထို့အပြင် ယင်းနေ့ ညနေ ၅ နာရီအချိန်ခန့်တွင် ဖာပွန်မြို့တွင် ကင်းပုန်းဝပ်နေသည့် စစ်ကောင်စီတပ်ဖွဲ့ဝင်များကို KNLA တပ်ရင်း (၁၅) မှ ဝင်ရောက်တိုက်ခိုက်ခဲ့ရာ စစ်ကောင်စီတပ်သား တစ်ဦး သေဆုံးခဲ့ပြီး တိုက်ခိုက်မှုများ အတွင်း KNLA ဘက်မှ ထိခိုက် ကျဆုံးမှုမရှိကြောင်း မူတြော်သတင်းစဉ် ထုတ်ပြန်ချက်တွင် ဖော်ပြထားသည်။

.