KNLA တပ်မဟာ (၅) နယ်မြေအတွင်း တိုက်ပွဲ ၅၀ ကျော်ဖြစ်ပွားပြီး စစ်ကောင်စီတပ်သား ၄၀ ကျော် သေဆုံး

.

ကရင်အမျိုးသားလွတ်မြောက်ရေးတပ်မတော် (KNLA) တပ်မဟာ (၅) နယ်မြေအတွင်း ဩဂုတ်လ ၁ ရက်မှ ၁၅ ရက်အထိ စစ်ကောင်စီတပ်နှင့် ထိတွေ့တိုက်ပွဲ အကြိမ် ၅၀ ကျော် ဖြစ်ပွားခဲ့ပြီး စစ်ကောင်စီတပ်သား ၄၀ ကျော် သေဆုံးခဲ့ကြောင်းတပ်မဟာ (၅) က ယမန်နေ့ ဩဂုတ်လ ၁၇ ရက်တွင် ထုတ်ပြန်ကြေညာထားသည်။

.

.

တပ်မဟာ (၅) နယ်မြေတွင် ၁၅ ရက်အတွင်း KNLA တပ်မဟာ (၅) လက်အောက်ခံ တပ်ရင်း၊ တပ်ခွဲများနှင့် စစ်ကောင်စီ၊ BGF တပ်တို့အကြား တိုက်ပွဲပေါင်း ၅၃ ကြိမ် ဖြစ်ပွားခဲ့ပြီး စစ်ကောင်စီဘက်မှ ၄၃ ဦး သေဆုံးကာ ၁၇ ဦး ထိခိုက်ဒဏ်ရာရရှိခဲ့ခြင်းဖြစ်ကြောင်း သိရသည်။

.

အဆိုပါ တိုက်ပွဲများအတွင်း KNLA တပ်မဟာ (၅)မှ ရဲဘော်တစ်ဦး ကျဆုံးခဲ့ရပြီး စစ်ကောင်စီဖက်မှ ဒေသခံများ၏ ကျေးရွာနှင့် လယ်ယာ၊ ဥယာဉ်ခြံမြေများအတွင်းသို ပစ်ခတ်မှုကြောင့် ပြည်သူ ၂ ဦး ထိခိုက်ဒဏ်ရာရရှိခဲ့ကြောင်း သိရသည်။

.