KNLA တပ်ရင်း (၈) နှင့် စစ်ကောင်စီတပ် တိုက်ပွဲများအတွင်း စစ်ကောင်စီဘက်မှ ၁၂ ဦး သေဆုံး

.

ကရင်အမျိုးသားအစည်းအရုံး (KNU) လက်အောက်ခံ ကရင်အမျိုးသားလွတ်မြောက်ရေးတပ်မတော် (KNLA)၊ တပ်ရင်း (၈) နှင့် စစ်ကောင်စီတပ်ဖွဲ့တို့အကြား ဖြစ်ပွားခဲ့သည့် တိုက်ပွဲများအတွင်း စစ်ကောင်စီတပ်သား  ၁၂ ဦး သေဆုံးခဲ့ကြောင်း သိရသည်။

.

.

KNU စီမံအုပ်ချုပ်မှုနယ်မြေ၊ ညောင်လေးပင်ခရိုင်၊ မုန်းမြို့နယ်အတွင်းရှိ တယ်ပေါနှင့် ကရင်မြက်ရဲကျေးရွာအကြားတွင် ဩဂုတ်လ ၁၀ ရက်၊ နံနက်ပိုင်းက KNLA တပ်ရင်း (၈) နှင့် စစ်ကောင်စီတပ်တို့အကြား ထိတွေ့ပစ်ခတ်မှု ဖြစ်ပွားခဲ့ရာ စစ်ကောင်စီဘက်မှ ၉ ဦး သေဆုံးပြီး ထိခိုက်ဒဏ်ရာရသူများ ရှိခဲ့ကြောင်း သိရသည်။

.

ထို့အတူ ပြီးခဲ့သည့် ဩဂုတ်လ ၆ ရက် ညနေပိုင်းက ကရင်အမျိုးသားလွတ်မြောက်ရေးတပ်မတော် (KNLA)၊ တပ်ရင်း (၈) နှင့် အာဏာသိမ်းအကြမ်းဖက်စစ်ကောင်စီတပ်တို့အကြား ကြိုးပင်ဆိပ်အာဏာသိမ်း စစ်ကောင်စီစခန်းတွင် ထိတွေ့ပစ်ခတ်မှုတစ်ကြိမ်ဖြစ်ပွားခဲ့ပြီး အာဏာသိမ်းအကြမ်းဖက် စစ်ကောင်စီတပ်မှ ၁ ဦး သေဆုံးခဲ့ကြောင်း သိရသည်။

.

ကေအဲန်ယူ−ကရင်အမျိုးသားအစည်းအရုံး စီမံအုပ်ချုပ်နယ်မြေ ညောင်လေးပင်ခရိုင်၊ မုန်းမြို့နယ်အတွင်းရှိ ငှက်ပျော တောကျေးရွာ အနီးတစ်ဝိုက်တွင် ဩဂုတ်လ ၅ ရက်၊ ညနေပိုင်းက ကရင်အမျိုးသားလွတ်မြောက်ရေးတပ်မတော် (KNLA)၊ တပ်ရင်း (၈) နှင့် အာဏာသိမ်းအကြမ်းဖက် စစ်ကောင်စီတပ်တို့အကြား ထိတွေ့ပစ်ခတ်မှုတစ်ကြိမ်ဖြစ်ပွား ခဲ့ပြီး အာဏာသိမ်းအကြမ်းဖက်စစ်ကောင်စီ တပ်မှ အရာခံဗိုလ် ၁ ဦးနှင့် တပ်သား ၁ စုစုပေါင်း ၂ ဦးသေဆုံးခဲ့ကြောင်း ကရင်အမျိုးသားအစည်းအရုံး (KNU) က ယနေ့ ဩဂုတ်လ ၁၂ ရက်တွင် ထုတ်ပြန်ထားသည်။

.