ကျောက်ကြီးမြို့နယ်တွင် လေကြောင်းဖြင့်တိုက်ခိုက်လာသည့် စစ်ကောင်စီတပ်ကို KNLA က ပြန်လည်ပစ်ခတ်ရာ ရဟတ်ယာဉ်တစ်စီး စက်ချို့ယွင်းပြီး အရေးပေါ်ဆင်းသက်ခဲ့ရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကျောက်ကြီးမြို့နယ်တွင် လေကြောင်းဖြင့်တိုက်ခိုက်လာသည့် စစ်ကောင်စီတပ်ကို KNLA က ပြန်လည်ပစ်ခတ်ရာ ရဟတ်ယာဉ်တစ်စီး စက်ချို့ယွင်းပြီး အရေးပေါ်ဆင်းသက်ခဲ့ရ

.

ကရင်အမျိုးသားအစည်းအရုံး (KNU) ထိန်းချုပ်နယ်မြေ၊ ညောင်လေးပင်ခရိုင်၊ ကျောက်ကြီးမြို့နယ်တွင် ယနေ့ ဩဂုတ်လ ၈ ရက်၊ နံနက်ပိုင်းက လေကြောင်းဖြင့် တိုက်ခိုက်လာသည့် စစ်ကောင်စီတပ်၏ ရဟတ်ယာဉ် ၂ စီးကို ကရင်အမျိုးသားလွတ်မြောက်ရေးတပ်မတော် (KNLA) က ပြန်လည်ပစ်ခတ်ခဲ့ရာ ရဟတ်ယာဉ်တစ်စီး စက်ချို့ယွင်းပြီး အရေးပေါ် ဆင်းသက်ခဲ့ရကြောင်း သိရသည်။

.

.

စစ်ကောင်စီတပ်မှ ရဟတ်ယာဉ် ၂ စီးသည် ဩဂုတ်လ ၈ ရက်၊ နံနက် ၁၀ နာရီခန့်က ကျောက်ကြီးမြို့နယ်၊ ပဲသောင်ကျေးရွာ စာသင်ကျောင်းအနီးတဝိုက်တွင် ၅ ကြိမ်လာရောက်ပစ်ခတ်ခဲ့ရာ သစ်ပင်များသာ ထိခိုက်ပျက်စီး ခဲ့ကြောင်း သိရသည်။

.

ထိုသို့ လာရောက်ပစ်ခတ်သည့် ရဟတ်ယာဉ် ၂ စီးကို ကရင်အမျိုးသားလွတ်မြောက်ရေးတပ်မတော် (KNLA)၊ တပ်ရင်း (၉) မှ ပြန်လည်ပစ်ခတ်ခဲ့ရာ ရဟတ်ယာဉ်တစ်စီး စက်ချို့ယွင်းပြီး ကညင်ကျေးရွာ စာသင်ကျောင်းဝင်းအတွင်းသို့ အရေးပေါ် ဆင်းသက်ခဲ့ရခြင်းဖြစ်ကြောင်း ကရင်အမျိုးသားအစည်းအရုံး (KNU) က ထုတ်ပြန်ထားသည်။

.

ထို့အတူ ယမန်နေ့ ဩဂုတ်လ ၇ ရက်၊ ညနေပိုင်းကလည်း စစ်ကောင်စီတပ်သည် ဒိုးဒါးတာစုံမှ ကျောက်စရစ်ကျေးရွာ သို့ ဝင်ရောက်လာခဲ့ရာ လိန်ပင်ကျေးရွာနှင့် ပဲသောင်ကျေးရွာအကြားတွင် ကရင်အမျိုးသားလွတ်မြောက်ရေး တပ်မတော် (KNLA)၊ တပ်ရင်း (၉) နှင့် ထိပ်တိုက် တိုက်ပွဲ ဖြစ်ပွားခဲ့ကြောင်း သိရသည်။

.

အဆိုပါ တိုက်ပွဲကြောင့် နီးစပ်သော ကျေးရွာများဖြစ်သည့် ပဲသောင်၊ လိန်ပင်၊ ကျောက်စရစ်၊ သောင်ပု၊ အင်တိုင်းကုန်း နှင့် တောကြောင်ပေါက် စသည့်ကျေးရွာများမှ ကျေးရွာပြည်သူလူထုများ ဘေးလွတ်ရာသို့ ထွက်ပြေး တိမ်းရှောင်နေရ ကြောင်း သိရသည်။

.

Journal Download

Photo of three cats