စစ်ကောင်စီတပ်သား ၂ ဦး KNDO ထံ လာရောက်ပူးပေါင်း - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီတပ်သား ၂ ဦး KNDO ထံ လာရောက်ပူးပေါင်း

.

ကရင်ပြည်နယ်၊ မြဝတီ-ဝေါ်လေဒေသအတွင်း ထိုးစစ်ဆင်နေသည့် အာဏာသိမ်းစစ်ကောင်စီတပ်မှ တပ်သား ၂ ဦးသည် CDM ပြုလုပ်၍ ကရင်အမျိုးသားကာကွယ်ရေးတပ် (KNDO) ထံသို့ လက်နက်နှင့်အတူ လာရောက်ပူးပေါင်း ခဲ့ကြောင်း ပြည်သူ့ပန်းတိုင်အဖွဲ့က ယနေ့ ဩဂုတ်လ ၂၁ ရက်တွင် ထုတ်ပြန်ထားသည်။

.

.

စစ်ကောင်စီ စအရ (၉၀၄) အင်ဂျင်နီယာတပ်မှ တပ်သား အောင်အောင်နှင့် ခလရ (၂၇၅) ခြေလျင်တပ်မှ တပ်သား အာကာမင်းတို့ နှစ်ဦးသည် MA-1 သေနတ် ၂  လက်၊ MA-3 သေနတ် ၁ လက်၊ ခဲယမ်းကျည် များနှင့်အတူ ဇူလိုင်လ အတွင်း KNDO သို့ ဆက်သွယ် ပူးပေါင်းလာခြင်း ဖြစ်ကြောင်း သိရသည်။

.

စစ်ကောင်စီ၏ လုပ်ရပ်များကို မနှစ်သက်သည့်အတွက် ယခုကဲ့သို့ CDM ဝင်ရောက်ခြင်းဖြစ်ကြောင်းနှင့် ပြည်သူများကို သတ်ဖြတ်ပြီး ကျေးရွာများကို မီးရှို့သည့်အတွက် ယူနီဖောင်းဝတ်ထားခြင်းကို လိပ်ပြာမသန့်ကြောင်း CDM စစ်သား တစ်ဦးက ပြောဆိုခဲ့သည်။

.

အဆိုပါ CDM တပ်သား ၂ ဦးအား KNDO မှ နွေးထွေးစွာ ကြိုဆိုခဲ့ပြီး NUG အစိုးရက ထောက်ပံ့ပေးသည့် ဂုဏ်ပြုငွေ များအား ချီးမြင့်ပေးခဲ့ကြောင်း သိရသည်။

.

Journal Download

Photo of three cats