ကုလသမဂ္ဂအထူးကိုယ်စားလှယ် မြန်မာနိုင်ငံကို လာရောက်မည်

.

ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ် နိုလင်းဟေဇာသည် ယနေ့ ဩဂုတ်လ ၁၆ ရက်တွင် မြန်မာနိုင်ငံကို လာရောက်ရန်ရှိကြောင်း သိရသည်။

.

.

အထူးကိုယ်စားလှယ် နိုလင်းဟေဇာအနေဖြင့် မြန်မာပြည်တွင်းရှိ ယိုယင်းနေသည့် အခြေအနေများကို ဖြေရှင်းရေး အပြင် အခြားကိစ္စရပ်များကို ၎င်းအား‌ပေးအပ်ထားသည့် လုပ်ပိုင်ခွင့်ဘောင်အတွင်းမှ အဓိကထား လုပ်ဆောင်ရန် ရှိနေကြောင်း သိရသည်။

.

ထို့အပြင် အထူးကိုယ်စားလှယ်သည် နိုင်ငံရေးအသိုင်းမှ ပါဝင်ပတ်သက်သူ အးလုံးအပါအဝင် အရပ်ဖက်အဖွဲ့အစည်း များ၊ လက်ရှိ ပဋိပက္ခကြောင့် ထိခိုက်ခံစားနေရသူများ အားလုံးနှင့် တွေ့ဆုံဆွေးနွေးသွားရန် ရှိနေကြောင်း သိရသည်။

.

နိုလင်းဟေဇာသည် ပြီးခဲ့သည့် ၂၀၂၁ ခုနှစ်၊ အောက်တိုဘာလအတွင်းက ကုလသမဂ္ဂအတွင်းရေးမှူးချုပ်၏ မြန်မာနိုင်ငံ ဆိုင်ရာ အထူးကိုယ်စားလှယ်အဖြစ် ခန့်အပ်ခံရခြင်းဖြစ်ပြီး ၁၀ လအကြာမှသာ မြန်မာနိုင်ငံကို ပထမဆုံးအကြိမ် လာရောက်နိုင်ခြင်းဖြစ်ကြောင်း သိရသည်။

.

မြန်မာ့နိုင်ငံရေးအသိုင်းအဝိုင်းမှ ပါဝင်ပတ်သက်သူများ အားလုံးနှင့် တွေ့ဆုံမည်ဟု ဆိုထားသော်လည်း ၎င်းအနေဖြင့် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် တွေ့ခွ့င်ရ/မရကို မသိရှိရသေးချေ။

.

စစ်ကောင်စီကမူ ဒေါ်အောင်ဆန်းစုကြည်သူ အမှုရင်ဆိုင်နေရသူဖြစ်သည့်အတွက် မြန်မာနိုင်ငံဆိုင်ရာ အာဆီယံ အထူး ကိုယ်စားလှယ်များနှင့်မူ တွေ့ဆုံခွင့် မပြုခဲ့ချေ။

.