မြဝတီ - ဝေါ်လေ ကားလမ်း၊ သုံးထပ်ကွေ့အနီးရှိ နေရာ တစ်ခုသို့ စစ်ကောင်စီတပ်၏ တပ်မ (၄၄) လက်အောက်ခံ တပ်များက ယနေ့ ဩဂုတ်လ ၅ ရက်တွင် လက်နက်ကြီးများ အဆက်မပြတ် ပစ်ကာ အင်အား အလုံးအရင်းဖြင့် ချီတက်လာရာ ကော်ဘရာစစ်သည်များနှင့် တိုက်ပွဲ ပြင်းထန်စွာ ဖြစ်ပွားခဲ့ကြောင်း သိရသည်။
.
စစ်ကောင်စီတပ်သည် ညနေပိုင်းတွင် အထိအခိုက် များပြားစွာဖြင့် ပြန်လည် ဆုတ်ခွာသွားကြသည်ဟု Cobra Column က ထုတ်ပြန်သည်။
.
တိုက်ပွဲအတွင်း စစ်ကောင်စီ တပ်သား ၁ ဦး သေဆုံးကာ ၄ ဦးထက် မနည်း၊ အများအပြား ပြင်းထန်ဒဏ်ရာ ရရှိခဲ့ပြီး ကော်ဘရာ စစ်သည် ၂ ဦး ပွန်းပဲ့ဒဏ်ရာ ရရှိခဲ့ပြီး ၁ ဦး (မစိုးရိမ်ရ) ဒဏ်ရာ အနည်းငယ် ရရှိခဲ့သည်ဟု ထုတ်ပြန်ချက်တွင် ဖော်ပြထားသည်။
