မိုးသည်းထန်စွာ ရွာသွန်းမှုကြောင့် လားရှိုးမြို့ပေါ် ရပ်ကွက်အချို့တွင် ရေကြီးရေလျှံမှုဖြစ်ပွား

.

လားရှိုးမြို့ပေါ်တွင် ယမန်နေ့ ဩဂုတ်လ ၂၆ ရက်၊ ညပိုင်းမှစတင်၍ မိုးသည်းထန်စွာရွာသွန်းမှုကြောင့် ယနေ့ ဩဂုတ်လ ၂၇ ရက်၌ မြို့ပေါ်ရပ်ကွက် အချို့ ရေကြီးရေလျှံမှု ဖြစ်ပွားလျက်ရှိကြောင်း သိရသည်။

.

.

ရေကြီးရေလျှံမှု ဖြစ်ပွားနေသည့် ရပ်ကွက်များမှာ ရပ်ကွက် (၁)၊ ရပ်ကွက် (၈)၊ ရပ်ကွက် (၉) နှင့် ရပ်ကွက် (၁၂) တို့ ဖြစ်ကြောင်း သိရသည်။

.

ရေဝင်ရောက်နေသော နေအိမ်များကို လားရှိုးအခြေစိုက်ပရဟိတအသင်းများဖြစ်သည့် လားရှိုးလူငယ်များ လူမှုကူညီရေးအသင်း၊ ပေးသောလက်လူမှုကူညီရေးအသင်း၊ ကမ်းလင့်လက်ပရဟိတအသင်း၊ မေတ္တာစမ်းရေ လူမှုကူညီရေးအသင်းတို့ ပူးပေါင်း၍ လိုအပ်သည့် ကူညီဆောင်ရွက်မှုများ ပြုလုပ်ပေးလျက်ရှိကြောင်း သိရသည်။

.

အဆိုပါ ရေကြီးရေလျှံမှုနှင့် ပတ်သက်၍ လူနှင့်တိရစ္ဆာန် ထိခိုက်ဒဏ်ရာရသေဆုံးမှုရှိ/မရှိနှင့် ပျက်စီးဆုံးရှုံးမှု အခြေအနေများကို မသိရှိရသေးချေ။

.

Photo – လားရှိုးလူငယ်များ လူမှုကူညီရေးအသင်း

.

.