ရှမ်းပြည်နယ်အခြေစိုက် မီဒီယာများကို အကြမ်းဖက်ဟု တံဆိပ်ကပ်သည့်စာများ ဟိုပုံးတွင် လိုက်လံကပ်ထား - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ရှမ်းပြည်နယ်အခြေစိုက် မီဒီယာများကို အကြမ်းဖက်ဟု တံဆိပ်ကပ်သည့်စာများ ဟိုပုံးတွင် လိုက်လံကပ်ထား

.

ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့တွင် ယမန်နေ့ ဩဂုတ်လ ၁၉ ရက်က ရှမ်းပြည်နယ်အခြေစိုက် သတင်း မီဒီယာများအား အကြမ်းဖက်မီဒီယာဟု တံဆိပ်ကပ်ထားသည့် စာများကို လိုက်လံ ကပ်ထားခဲ့ကြောင်း သိရသည်။

.

.

ဟိုပုံးမြို့နယ်အတွင်းရှိ လမ်းများနှင့် စားသောက်ဆိုင်များတွင် ရှမ်းပြည်နယ်အခြေစိုက် သတင်းမီဒီယာ ၄ ခုနှင့် တော်လှန်ရေးအင်အားစုများ၏ လူမှုကွန်ရက်စာမျက်နှာ ၄ ခုတို့ကို အကြမ်းဖက်ဟု ရေးသားထားသည့် စတေကာ များကို ကပ်ထားခဲ့ခြင်းဖြစ်ကြောင်း သိရသည်။

.

“မနေ့က ဆိုင်ထဲမှာထိုင်နေတုန်း လာကပ်သွားတာ တွေ့ပါတယ်။ မြို့ထဲက လမ်းတွေမှာလည်း တော်တော်များများ ကပ်ထားတာ တွေ့ရတယ်” ဟု ဟိုပုံးမြို့ခံ တစ်ဦးက ပြောသည်။

.

ယင်း စတေကာများ ကပ်သွားသည့်အဖွဲ့မှာ PNO မှဖြစ်သည်ဟု ဒေသခံများက ပြောဆိုကြပြီး စတေကာပါ သတင်း ဌာနများနှင့် လူမှုကွန်ရက်စာမျက်နှာများကို မယုံကြည်ကြရန်လည်း ပြောဆိုသွားသည်ဟု သိရသည်။

.

အဆိုပါ စတေကာတွင် ကမ္ဘောဇတိုင်း၊ သျှမ်းသံတော်ဆင့်၊ တာချီလိတ်သတင်းအေဂျင်စီနှင့် ရွှေဖီမြေသတင်းဌာန တို့ကို အကြမ်းဖက်မီဒီယာများဟု ဖော်ပြထားပြီး တောင်ကြီးနွေဦးချန်နယ်၊ TGI Support RevolutionRoad to Taunggyi နှင့် Channel Taunggyi လူမှုကွန်ရက် စာမျက်နှာများကို PDF အားပေးသူများဟု ရေးသားထားသည်။

.

 

Journal Download

Photo of three cats