မြဝတီ-ဝေါ်လ ကားလမ်းတွင် စစ်ကောင်စီတပ်နှင့် ကော်ဘရာစစ်သည်များ ထိတွေ့တိုက်ပွဲဖြစ်ပွားပြီး စစ်ကောင်စီ ဘက်မှ ၆ ဦးသေဆုံး၊ ၂ ဦး အရှင်ဖမ်းမိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

မြဝတီ-ဝေါ်လ ကားလမ်းတွင် စစ်ကောင်စီတပ်နှင့် ကော်ဘရာစစ်သည်များ ထိတွေ့တိုက်ပွဲဖြစ်ပွားပြီး စစ်ကောင်စီ ဘက်မှ ၆ ဦးသေဆုံး၊ ၂ ဦး အရှင်ဖမ်းမိ

.

ကရင်ပြည်နယ်၊ မြဝတီ-ဝေါ်လ ကားလမ်းမပေါ်တွင် ယမန်နေ့ ဩဂုတ်လ ၁၉ ရက်က စစ်ကောင်စီ၏ တပ်မ (၄၄) လက်အောက်ခံ ခမရ (၁၀၂) နှင့် ကော်ဘရာစစ်သည်များ ထိတွေ့တိုက်ပွဲဖြစ်ပွားခဲ့ပြီး စစ်ကောင်စီဘက်မှ ၆ ဦး သေဆုံးကာ ၂ ဦးကို အရှင်ဖမ်းမိခဲ့ကြောင်း သိရသည်။

.

.

စစ်ကောင်စီ၏ တပ်မ (၄၄) လက်အောက်ခံ ခမရ (၁၀၂)သည် ဩဂုတ် ၁၉ ရက်၊ နံနက် ၃ နာရီခွဲခန့်က မြဝတီ-ဝေါ်လေ ကားလမ်းမ ပေါ်ရှိ ဘုရားကုန်းသို့ ကျူးကျော်သိမ်းပိုက်ရန် ဝင်ရောက်လာသဖြင့် လုံခြုံရေး တာဝန်ယူဆောင်ရွက် နေသော ကော်ဘရာစစ်သည်တော်များနှင့် ရင်ဆိုင်တိုက်ပွဲ  ဖြစ်ပွားခဲ့ခြင်းဖြစ်ပြီး တိုက်ပွဲအတွင်း စစ်ကောင်စီဘက်မှ ၆ ဦး သေဆုံး၍ ၂၁ ဦး အပြင်းအထန် ဒဏ်ရာရရှိကာ ၂ ဦးကို အရှင်ဖမ်းမိခဲ့ခြင်းဖြစ်ကြောင်း သိရသည်။

.

အဆိုပါ အရှင်ဖမ်းမိသော စစ်ကောင်စီတပ်သား ၂ ဦးနှင့်အတူ MA (1) သေနတ် တစ်လက်၊ MA (2) သေနတ် ၁ လက်၊ ကျည်ကာ စစ်ခမောက် ၂ လုံး၊  RPG ဗုံးသီး ၂ လုံး၊ RPG ပို့ယမ်း ၂ တောင့်၊ ကျည်ကာ အီကွေ့မန့် ၂ ခု၊ ၅ ဒသမ ၅၆ ကျည် ၁၀၀၀ တောင့်၊ ကျည်ဘောက် ၇ ခု၊ ၄၀ မမ ဗုံးသီး ၆ လုံး၊ ၆၀ မမ ဗုံးသီး ၄ လုံးတို့ အား သိမ်းဆည်းရမိခဲ့ကြောင်း သိရသည်။

.

အရှင် ဖမ်းဆီး ရမိသော စစ်ကောင်စီ တပ်သား ၂ ဦးမှာ ဒုတပ်ကြပ် ထင်ကျော် နှင့် တပ်သားမင်းသူ တို့ဖြစ်ပြီး ဂျီနီဗာ ကွန်ဗားရှင်းနှင့် ပြည်သူ့ကာကွယ်ရေးတပ်မတော်မှ ချမှတ်ထားသော စစ်သုံ့ပန်း စည်းမျဉ်း ဥပဒေများနှင့်အညီ  ကောင်းမွန်စွာ ထိန်းသိမ်းစောင့်ရှောက်ထားကြောင်း ကော်ဘရာစစ်ကြောင်းက သတင်းထုတ်ပြန်ထားသည်။

.

ထို့နောက် ယင်းနေ့ နံနက် ၈ နာရီ အချိန်ခန့်တွင် စစ်ကောင်စီမှ တိုက်ခိုက်ရေး တပ်ရင်းများ၊ လက်ရုံးတပ်ဖွဲ့များဖြင့် အင်အားတိုးချဲ့ကာ ထပ်မံစုဖွဲ့ ပြင်ဆင်ပြီး လက်နက်ကြီး၊ လက်နက်ငယ်များ ပုံအော ပစ်ခတ်ကာ ပြန်လည် ကျူးကျော် ထိုးစစ်ဆင်ခဲ့ကြောင်း သိရသည်။

.

ယင်းနေ့ တိုက်ပွဲများအတွင်း ကော်ဘရာစစ်သည်တော် ၃ ဦး မစိုးရိမ်ရ ဒဏ်ရာ အနည်းရရှိခဲ့ကြောင်း သိရသည်။

.

ထို့အတူ ဩဂုတ်လ ၁၈ ရက်၊ ည ၁၂ နာရီခန့်တွင်လည်းကောင်း၊ ဩဂုတ်လ ၁၉ ရက်၊ နံနက် ၁၀ နာရီခန့်တွင် လည်းကောင်း၊ ယင်းနေ့ ညနေ ၃ နာရီခန့်တွင်လည်းကောင်း စစ်ကောင်စီတပ်မှ လေယာဉ်ဖြင့် ဗုံးကြဲချတိုက်ခိုက်ခဲ့ရာ ကော်ဘရာစစ်သည်များ တစ်စုံတစ်ရာ ထိခိုက်မှုမရှိဘဲ သာသနိကအဆောက်အဦ တစ်လုံး ပျက်စီးခဲ့ကြောင်း သိရသည်။

.

 

Journal Download

Photo of three cats