ရှားတောမြို့နယ်ရှိ စစ်ကောင်စီတပ်စခန်းတစ်ခုကို ကရင်နီတပ်ဖွဲ့ ရှင်းလင်း

.

ကရင်နီ (ကယား) ပြည်နယ်၊ ရှားတောမြို့နယ်၊ တငူးဆိုဒေသရှိ စစ်ကောင်စီတပ်၏ ပွိုင့် ၅၃၅၀ စခန်းကို ကရင်နီ ပူးပေါင်းတပ်ဖွဲ့က မီးရှို့ရှင်းလင်းခဲ့ကြောင်း သိရသည်။

.

.

အဆိုပါ တငူးဆို စခန်းကို ကရင်နီပူးပေါင်းတပ်ဖွဲ့များက တိုက်ခိုက်ရာ စစ်ကောင်စီတပ်သားများ စခန်းမှ ဆုတ်ခွာ သွားသဖြင့် စခန်းကို မီးရှို့ရှင်းလင်းခဲ့ခြင်းဖစ်ကြောင်း သိရသည်။

.

ရှားတောမြို့နယ်အတွင်း စစ်ကောင်စီတပ်နှင့် ကရင်နီပူးပေါင်းတပ်ဖွဲ့များအကြား ဩဂုတ်လ ၈ ရက်နှင့် ၉ ရက်များတွင် တိုက်ပွဲ ၅ ကြိမ် ဖြစ်ပွားခဲ့ပြီး စစ်ကောင်စီဘက်မှ ၅ ဦး သေဆုံးကြောင်း ကရင်နီအမျိုးသားကာကွယ်ရေးတပ် (KNDF) က သတင်းထုတ်ပြန်ထားသည်။

.

တငူးဆို စခန်းကို ကရင်နီတပ်မတော် KA၊ KNDF တပ်ရင်း ၁၂၊ ၁၄၊ ၁၇ တို့ ပူးပေါင်းတိုက်ခိုက်ရှင်းလင်းခြင်းဖြစ်ပြီး စစ်အာဏာသိမ်းပြီးနောက်ပိုင်း ရှားတောမြို့နယ်အတွင်း၌ စစ်ကောင်စီတပ်၏ ကြားစခန်းအပါအဝင် စခန်း ၈ ခုကို သိမ်းပိုက်နိုင်ကြောင်း သိရသည်။

.