ဇူလိုင်လအတွင်း အလယ်ပိုင်းတိုင်းအထူးစစ်ဆင်ရေးအဖွဲ့စနိုက်ပါ စစ်ဆင်ရေးကြောင့် အကြမ်းဖက်စစ်တပ်က ၁၀ ဦး ကျော်သေဆုံး

.

အလယ်ပိုင်းတိုင်းအထူးစစ်ဆင်ရေးအဖွဲ့၊ Sniper တပ်ဖွဲ့ဝင်များ၏ လက်ချက်ကြောင့် ဇူလိုင်လအတွင်း စစ်ကောင်စီ တပ်သား ၁၀ ဦးကျော် သေဆုံးကြောင်း အလယ်ပိုင်းတိုင်း အထူးစစ်ဆင်ရေးအဖွဲ့က ယနေ့ ဩဂုတ်လ ၄ ရက်တွင် ထုတ်ပြန်ကြေညာထားသည်။

.

.

ဖရူဆိုမြို့နယ်၊ ထီူးတောတွင် တပ်စွဲထားသော ခမရ (၄၂၈) တပ်စခန်းအား အလယ်ပိုင်းတိုင်းအထူးစစ်ဆင်ရေး Sniper အဖွဲ့က ဇူလိုင်လ ၄ ရက်မှ ၂၆ ရက်အတွင်း ၄ ကြိမ် တိုက်ခိုက်ခဲ့ရာ စစ်ကောင်စီတပ်သား ၄ ဦး သေဆုံးခဲ့ကြောင်း သိရသည်။

.

ထို့အတူ ဖယ်ခုံမြို့နယ်၊ လွယ်မကူးတောင်ပေါ်တွင် တပ်စွဲထားသော စစ်ကောင်စီတပ်စခန်းကိုလည်း ဇူလိုင်လ ၁၃ ရက်က Sniper အဖွဲ့မှ သွားရောက်ပစ်ခတ်ရာ စစ်ကောင်စီတပ်ဖွဲ့ဝင် ၁ ဦး သေဆုံးခဲ့ကြောင်း သိရသည်။

.

အလားတူ မိုးဗြဲမြို့နယ်တွင်လည်း အလယ်ပိုင်းတိုင်းအထူးစစ်ဆင်ရေး Sniper တပ်ဖွဲ့၏ ပစ်ခတ်မှုကြောင့် စစ်ကောင်စီ တပ်သား ၃ ဦး သေဆုံးခဲ့ကြောင်း သိရသည်။

.

မိုးဗြဲ၊ ဖယ်ခုံ၊ ဖရူဆို အပါအဝင် ကရင်နီဒေသများတွင် ကရင်နီတပ်မ တော်(KA)၊ ကရင်နီအမျိုးသားများကာကွယ်ရေး တပ်(KNDF)၊ ဒေသခံပြည်သူ့ကာကွယ်ရေးတပ်(PDF)နှင့် တော်လှန်ရေးအင်အားစုများ ပူးပေါင်းပြီး စစ်ကောင်စီတပ်ကို တိုက်ခိုက်လျက်ရှိရာ တိုက်ပွဲများ မကြာခဏ ဖြစ်ပွားလျက်ရှိကြောင်း သိရသည်။

.