ညောင်ရွှေတွင် အမျိုးသား ၂ ဦး ဖမ်းဆီးခံရ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ညောင်ရွှေတွင် အမျိုးသား ၂ ဦး ဖမ်းဆီးခံရ

 


ညောင်ရွှေမြို့၌ ယမန့်နေ့ ဩဂုတ်လ ၁၅ ရက် ညပိုင်းက အမျိုးသား ၂ ဦးကို ပြည်သူ့ကာကွယ်ရေးတပ်ဖွဲ့ ခေါင်းဆောင်များဟု ဆိုကာ စစ်ကောင်စီက ဖမ်းဆီးခဲ့သည်ဟု သိရသည်။

.

“ ညောင်ရွှေ ရန်ကုန်ကျောင်းမှာ YUG နဲ့ TPDF ခေါင်းဆောင်တွေ ဆိုပြီး ဖမ်းသွားတာ။” ဟု သတင်းရင်းမြစ် တစ်ဦးက ပြောသည်။

.

အဆိုပါ ဖမ်းဆီးခံရသူများမှာ ကိုကျော်ခန့် နှင့် ကိုမြတ်မင်း တို့ ဖြစ်သည်ဟု ၎င်းထံမှ သိရသော်လည်း ပြည်သူ့ကာကွယ်ရေးတပ်ဖွဲ့ဝင်များ ဟုတ်/မဟုတ်ကိုမူ အတည်ပြုနိုင်ခြင်း မရှိသေးပေ။

.

စစ်ကောင်စီ တပ်ဖွဲ့ဝင်များသည် ရှမ်းတောင်ရှိ မြို့အသီးသီး၌ သာမန်ပြည်သူများကိုလည်း ယင်းကဲ့သို့ပင် ပြည်သူ့ကာကွယ်ရေးတပ်ဖွဲ့ဝင် အဖြစ် လည်းကောင်း၊ ထောက်ပို့ အဖွဲ့ဝင် အဖြစ်လည်းကောင်း စွပ်စွဲ၍ ဖမ်းဆီးမှုများ ပြုလုပ်လေ့ ရှိကြောင်း သိရသည်။

.

Journal Download

Photo of three cats