ကရင်နီ (ကယား) ပြည်နယ်တွင် စစ်ကောင်စီတပ်မှ လေကြောင်းတိုက်ခိုက်မှု ၁၅၇ ကြိမ်အထိ ပြုလုပ်ခဲ့

.

စစ်ကောင်စီတပ် အာဏာသိမ်းပြီးနောက် ကရင်နီ‌ (ကယား) ပြည်နယ်အတွင်း စစ်ကောင်စီတပ်မှ လေကြောင်း တိုက်ခိုက်မှု ၁၅၇ ကြိမ်အထိ ပြုလုပ်ထားပြီး အရပ်သားပြည်သူနှင့် စစ်ဘေးရှောင်ပြည်သူ စုစုပေါင်း ၂၉၃ ဦးအထိ သေဆုံးခဲ့ကြောင်း တိုးတက်သော ကရင်နီပြည်သူ့အင်အားစု (PKPF) က ယနေ့ ဩဂုတ်လ ၁ ရက်တွင် သတင်း ထုတ်ပြန်ထားသည်။

.

.

PKPF ၏ စာရင်းအရ ကရင်နီဒေသအတွင်း တိုက်ပွဲပေါင်း ၃၉၄ ကြိမ် ဖြစ်ပွားခဲ့ရာ စစ်ကောင်စီတပ်ဘက်မှ ၁၄၅၁ ဦး သေဆုံးခဲ့ပြီး စစ်ကောင်စီယာဉ် ၅၄ စီး ပျက်စီးခဲ့ကာ ပြည်သူ့ကာကွယ်ရေးတပ်ဖွဲ့ဝင်နှင့် လက်နက် ကိုင်တပ်ဖွဲ့ဝင် ၁၄၇ ဦးကျဆုံးခဲ့ကြောင်း သိရသည်။

.

ကရင်နီဒေသအတွင်း ၂၀၂၁ ခုနှစ်၊ မေလ ၂၀ ရက်မှ စတင်၍ တိုက်ပွဲဖြစ်ပွာခဲ့ခြင်ဖြစ်ပြီး တစ်နှစ်ခွဲကာလအတွင်း စစ်ကောင်စီမှ လေကြောင်းတိုက်ခိုက်မှု ၁၅၇ ကြိမ် ပြုလုပ်ခဲ့ကြောင်း သိရသည်။

.

ယင်းကဲ့သို့ လေကြောင်းအပြင် မြေပြင်မှ လက်နက်ကြီး၊ လက်နက်ငယ်များဖြင့် မဆင်မခြင် ပစ်ခတ်မှုကြောင့် အရပ်သားပြည်သူ ၂၅၅ ဦးနှင့် စစ်ဘေးရှောင် ၃၈ ဦး၊ စုစုပေါင်း ၂၉၃ ဦးအထိ သေဆုံးခဲ့ရကြောင်း သိရသည်။

.

စစ်ကောင်စီတပ်၏ အရပ်သားများကို ပစ်မှတ်ထား တိုက်ခိုက်မှုများကြောင့် ဒေသခံပြည်သူ သိန်းနှင့်ချီ၍ စစ်ဘေးရှောင် နေရပြီး ဒေသခံပြည်သူ ၂၆၀ ဦးကိုလည်း မတရား ဖမ်းဆီးထားကြောင်း ထုတ်ပြန်ချက်တွင် ဖော်ပြထားသည်။

.

ထို့အပြင် လေကြောင်းနှင့် မြေပြင်မှ ရမ်းသမ်းပစ်ခတ်မှုများကြောင့် ဘာသာရေးအဆောက်အအုံ ၂၃ ခုနှင့် လူနေအိမ် ၁၁၃၃ လုံး ပျက်စီးခဲ့ကြောင်း PKPF က ထုတ်ပြန်ထားသည်။

.

[ Source – PKPF ]

.