.
ရပ်စောက်မြို့နယ်တွင်
ယနေ့ ဩဂုတ်လ ၈ ရက်၊ နံနက်ပိုင်းက မိုးသည်းထန်စွာ ရွာသွန်းမှုကြောင့် ရေကြီးရေလျှံမှု
ဖြစ်ပွားနေပြီး နေအိမ်များအတွင်း ရေဝင်ရောက်လျက်ရှိကြောင်း သိရသည်။
.
ရပ်စောက်မြို့၊ ဇော်ဂျီကွေ့အနီးရှိ
နေအိမ်များအတွင်း ရေဝင်ရောက်နေခြင်းဖြစ်ပြီး အိမ်တွင်းပစ္စည်းများကို ရေလွတ်ရာသို့
ရွှေ့ပြောင်းနေရကြောင်း ဒေသခံများထံက သိရသည်။
.
အဆိုပါ ရေဘေးသင့် အိမ်ထောင်စုများကို
ရပ်စောက်မြို့ရှိ မဇ္ဈိမအသင်းနှင့် လူမှုရေးအဖွဲ့များက ကူညီကယ်ဆယ် ရွှေ့ပြောင်းပေးလျက်ရှိကြောင်း
သိရသည်။
.
ပြီးခဲ့သည့် ဩဂုတ်လ
၆ ရက်ကလည်း တောင်ကြီးနှင့် လွိုင်လင်မြို့တို့တွင် မိုးသည်းထန်စွာရွာသွန်းမှုကြောင့်
ရေကြီးရေလျှံမှုနှင့်အတူ နေအိမ်အုတ်တံတိုင်းများ၊ သစ်ပင်ကြီးများ ပြိုကျမှု ဖြစ်ပွားခဲ့ကြောင်း
သိရသည်။
.
