ကောလင်း၊ ကျွန်းလှ၊ ကန့်ဘလူနယ်စပ်ကျေးရွာများ မီးရှို့ခံရပြီး အိမ်ပေါင်း ရာချီပျက်စီး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကောလင်း၊ ကျွန်းလှ၊ ကန့်ဘလူနယ်စပ်ကျေးရွာများ မီးရှို့ခံရပြီး အိမ်ပေါင်း ရာချီပျက်စီး

.

စစ်ကိုင်းတိုင်း၊ ကောလင်း၊ ကျွန်းလှနှင့် ကန့်ဘလူမြို့နယ်အစပ်ရှိ ကျေးရွာ ၂ ရွာကို စစ်​ကောင်စီတပ်က မီးရှို့ဖျက်ဆီးခဲ့ရာ အိမ်ပေါင်းတစ်ရာကျော် ပျက်စီးခဲ့ပြီး စပါးတင်းပေါင်း ထောင်ချီ မီးလောင်ဆုံးရှုံးခဲ့ကြောင်း သိရသည်။

.

.

စစ်​ကောင်စီတပ်များသည် ဩဂုတ်လ ၂၄ ရက်၊ နံနက်ပိုင်းက ကောလင်းမြို့နယ်၊ အောင်ချမ်းသာကျေးရွာကို မီးရှို့ ဖျက်ဆီးခဲ့ရာ ကျေးရွာရှိ နေအိမ် ၇၅ လုံးအနက် ၇၃ လုံး မီးလောင်ပျက်စီးခဲ့ပြီး စာသင်ကျောင်း ခေါင်မိုး မီးလောင် ပျက်စီးခဲ့ကြောင်း သိရသည်။

.

အလားတူ ဩဂုတ်လ ၂၆ ရက်တွင် ကျွန်းလှမြို့နယ်၊ ကုန်းစည်းရွာကို ထပ်မံမီးရှို့ဖျက်ဆီးခဲ့ရာ စာကြည့်တိုက်တစ်လုံး အပါအဝင် ပြည်သူနေအိမ် ၆၂ လုံး၊ အရှေ့ကုန်းစည်းရွာတွင် ပြည်သူနေအိမ် ၅၉ လုံး မီးလောင်ပျက်စီးခဲ့ပြီး ဘုန်းကြီးကျောင်းဝင်းအတွင်းရှိ စားနပ်ရိက္ခာနှင့် ကား၊ ဆိုင်ကယ်များကိုလည်း မီးရှို့ဖျက်ဆီးသွားခဲ့ကြောင်း ကျွန်းလှ တက်ကြွလှုပ်ရှားသူများအဖွဲ့ထံက သိရသည်။

.

စစ်ကောင်စီတပ်သည် မီးရှို့ပြီး ပြန်ထွက်စဉ် ကုန်းစည်းကျေးရွာအနီး မြေပဲခင်းအတွင်း ကျေးရွာဒေသခံတစ်ဦးနှင့် အခြား ရွာသား ၂ ဦးတို့ကိုလည်း ဖမ်းဆီးခေါ်ဆောင်သွားခဲ့ကြောင်း သိရသည်။

.

ထို့အပြင် ယင်းနေ့တွင်ပင် စစ်ကောင်စီတပ်သည် တည်ပင်ဆိပ်ရွာကိုပါ မီးရှို့ဖျက်ဆီးခဲ့ပြီး ပျက်စီးဆုံးရှုံးမှုအခြေနေ ကို မသိရှိရသေးကြောင်း သိရသည်။

.

စစ်တပ်၏ စစ်ကြောင်းထိုးမီးရှိ့ဖျက်ဆီးမှုများကြောင့် ကန့်ဘလူ၊ ကျွန်းလှနှင့် ကောလင်းနယ်စပ်ရှိ ကျေးရွာပေါင်း ၃၄ ရွာမှ ဒေသခံ ပြည်သူ ၃ သောင်းကျော် ထွက်ပြေးတိမ်းရှောင်နေရပြီး အရေးပေါ် အကူအညီများလိုအပ်နေသည်ဟု ကျွန်းလှတက်ကြွလှုပ်ရှားသူများအဖွဲ့က ထုတ်ပြန်ထားသည်။

.

Photo - ကျွန်းလှတက်ကြွ လှုပ်ရှားသူများအဖွဲ့

.

Journal Download

Photo of three cats