တောင်ကြီးမြို့ပေါ်တွင် မိုးသည်းထန်စွာရွာသွန်းမှုကြောင့် ရေကြီးရေလျှံပြီး နေအိမ် အုတ်တံတိုင်းအချို့ ပြိုကျ

.

တောင်ကြီးမြို့ပေါ်တွင် ယနေ့ ဩဂုတ်လ ၆ ရက်၊ ညပိုင်းက မိုးသည်းထန်စွာ ရွာသွန်းမှုကြောင့် အနိမ့်ပိုင်းရှိ နေအိမ် အချို့တွင် ရေကြီးရေလျှံပြီး နေအိမ်အုတ်တံတိုင်းနှင့် သံတံခါးများ ပြိုကျပျက်စီးမှု ဖြစ်ပွားခဲ့ကြောင်း သိရသည်။

.

.

မိုးမှာ ည ၇ နာရီမှ ၈ နာရီခွဲဝန်းကျင်ခန့်အတွင်း ရွာသွန်းခဲ့ခြင်းဖြစ်ပြီး မြို့ပေါ်ရှိ ရေဆိုးထုတ်မြောင်းကြီးများ ရေလျှံတက်ကာ နေအိမ်နှင့် လမ်းမများပေါ်သို့ ရေဝင်ရောက်ခဲ့ကြောင်း သိရသည်။

.

“အခု လက်ရှိတော့ ရေက ကျသွားပါပြီ။ ည နောက်ထပ်မရွာဖို့ပဲ ဆုတောင်းရမှာပဲ။ ရေမြောင်းဘေးနဲ့ အနိမ့်ပိုင်း နေတဲ့ သူတွေကတော့ သတိထားဖို့ လိုပါတယ်” ဟု တောင်ကြီးဒေသခံတစ်ဦးက ပြောသည်။

.

Video - ဒေသခံ

.