တောင်ကြီး ပညာရေးဒီဂရီကောလိပ်ကျောင်းသားများသမဂ္ဂမှ ဦးဆောင်၍ စစ်ရှောင်ဒေသများရှိ ကလေးများအား ပညာ သင်ကြားပေးနေပြီ ဖြစ် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တောင်ကြီး ပညာရေးဒီဂရီကောလိပ်ကျောင်းသားများသမဂ္ဂမှ ဦးဆောင်၍ စစ်ရှောင်ဒေသများရှိ ကလေးများအား ပညာ သင်ကြားပေးနေပြီ ဖြစ်

 


တောင်ကြီးပညာရေးဒီဂရီကောလိပ်ကျောင်းသားများသမဂ္ဂမှ ခေါ်ယူ ပို့ဆောင်ပေးထားသော ဆရာ၊ ဆရာမများသည် စစ်ဘေးရှောင် ဒေသများတွင် ကလေးများအား ပညာသင်ကြားပေးနေပြီ ဖြစ်ကြောင်း သိရသည်။

.

ယင်းကဲ့သို့ ပညာ သင်ကြားပေးနေပြီ ဖြစ်သော်လ်း အထက်တန်းပြ သင်ကြားပေးနိုင်သော ဆရာ၊ ဆရာမများ  လိုအပ်လျက် ရှိနေသည့် အပြင် ပညာသင်ကြားရာတွင် မရှိမဖြစ် လိုအပ်သော ပညာရေး အသုံးအဆောင်ပစ္စည်းများလည်း များစွာ လိုအပ်လျက်ရှိနေကြောင်း တောင်ကြီး ပညာရေးဒီဂရီကောလိပ်ကျောင်းသားများသမဂ္ဂ က ယနေ့ ဩဂုတ်လ ၉ ရက်တွင် အသိပေးထားသည်။

.



“ အဓိကအားဖြင့် ကျောင်း​ဆောင်များ ဆောက်လုပ်ရန်အတွက် မိုးကာများနှင့် စာသင်ရန်အတွက် ကျောက်သင်ပုန်းများ၊ စာအုပ်၊ ခဲတံများ များစွား လိုအပ်လျက်ရှိနေပါသည်။” ဟု တောင်ကြီး ပညာရေးဒီဂရီကောလိပ်ကျောင်းသားများသမဂ္ဂ က ဆိုသည်။

.

ပြည်သူများအနေဖြင့် စစ်ဘေးရှောင်ကလေးများ ပညာ သင်ကြားနိုင်ရေးအတွက် ဝိုင်းဝန်းကူညီ လှူဒါန်ပေးကြရန် နှင့် လှူဒါန်းလိုပါက Taunggyi Education Degree College Students' Union ၏ Page messenger တွင် ဆက်သွယ် ဆောင်ရွက်နိုင်ကြောင်း မေတ္တာရပ်ခံထားသည်။

.



Journal Download

Photo of three cats