ဖယ်ခုံမြို့နယ်၊ ဆောင်နန်းခဲကျေးရွာအရှေ့ဘက်ရှိ စစ်ကောင်စီစခန်းကို ဖယ်ခုံ PDF ဝင်တိုက်

.

ဖယ်ခုံမြို့နယ်၊ ဆောင်နန်းခဲကျေးရွာအရှေ့ဘက်ရှိ တောင်ကြောပေါ်တွင် တပ်စွဲထားသော စစ်ကောင်စီ၏ တပ်စခန်းကို ယမန်နေ့ ဇူလိုင်လ ၁၃ ရက်၊ နေ့လယ်ပိုင်းက ဖယ်ခုံမြို့နယ်ပြည်သူ့ကာကွယ်ရေးတပ်၊ တပ်ရင်း (၂) မှ အလစ် ဝင်ရောက် တိုက်ခိုက်ခဲ့ကြောင်း သိရသည်။

.

.

တိုက်ခိုက်မှုအတွင်း စစ်ကောင်စီတပ်မှ အနည်းဆုံး ၅ ဦး ကျဆုံးခဲ့ပြီး ထိခိုက်ဒဏ်ရာရမှုများလည်း ရှိခဲ့ကြောင်း သိရသည်။

.

တိုက်ပွဲအတွင်း ဖယ်ခုံမြို့ရှိ စကခ (၇) မှ လက်နက်ကြီး ပစ်ကူများဖြင့် ပစ်ခတ်ခဲ့သော်လည်း ထိခိုက်မှုမရှိဘဲ ပြန်လည် ဆုတ်ခွာနိုင်ခဲ့ကြောင်း Pekhon PDF-2 က သတင်းထုတ်ပြန်ထားသည်။

.

ထို့အတူ လွယ်မကူးတောင်ပေါ်တွင် တပ်စွဲထားသော စစ်ကောင်စီတပ်စခန်းကို လက်နက်ကြီးများဖြင့် ပစ်ခတ်ခဲ့ရာ စစ်ကောင်စီတပ်မှ ပြန်လည်ပစ်ခတ်ခဲ့ပြီး အပြန်အလှန် ပစ်ခတ်မှုများ ဖြစ်ပွားခဲ့ကြောင်း သိရသည်။

.