ကော်သူးလေ နယ်မြေအတွင်း တိုက်ပွဲ ၃၆၀ ကျော် ဖြစ်ပွားခဲ့ပြီး စစ်ကောင်စီဘက်မှ ၄၀၀ ကျော်သေဆုံးခဲ့သည်ဟု KNU ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကော်သူးလေ နယ်မြေအတွင်း တိုက်ပွဲ ၃၆၀ ကျော် ဖြစ်ပွားခဲ့ပြီး စစ်ကောင်စီဘက်မှ ၄၀၀ ကျော်သေဆုံးခဲ့သည်ဟု KNU ထုတ်ပြန်


ကရင်အမျိုးသားအစည်းအရုံး (KNU) ကော်သူးလေအုပ်ချုပ် နယ်မြေအတွင်း၌ ဇွန်လ အတွင်း တိုက်ပွဲ ပေါင်း ၃၆၅ ကြိမ် ဖြစ်ပွားခဲ့ပြီး စစ်ကောင်စီဘက်မှ ၄၁၀ ဦး သေဆုံးကာ ၃၃၅ ဦး ဒဏ်ရာရခဲ့သည် KNU က ယနေ့ ဇူလိုင်လ ၅ ရက်တွင် ထုတ်ပြန်သည်။

.

ထို့အတူ KNLA နှင့် KNDO ပူးပေါင်းတပ်ဖွဲ့ဘက်မှလည်း ၁၇ ဦး ကျဆုံးပြီး ၂၈ ဦး ဒဏ်ရာ ရခဲ့ကြောင်း ထုတ်ပြန်ချက်တွင် ဖော်ပြထားသည်။

.

ကရင်အမျိုးသား လွတ်မြောက်ရေးတပ်မတော် (KNLA)၊ ကရင်အမျိုးအသား ကာကွယ်ရေးတပ်ဖွဲ့ (KNDO) ပူးပေါင်းတပ်ဖွဲ့နှင့် အာဏာသိမ်း စစ်ကောင်စီတပ်၊ နယ်ခြားစောင့်တပ် (BGF) တို့အကြား တိုက်ပွဲများ နေ့စဉ် ဖြစ်ပွားနေခြင်း ဖြစ်ကြောင်း သိရသည်။

.

KNU ဒူပလာယာခရိုင် တပ်မဟာ (၆) နယ်မြေ ဥကရစ်ထ ဒေသတွင် တိုက်ပွဲဟာ ပြင်းထန်သည့်အတွက် စစ်ကောင်စီတပ်က လေကြောင်း တိုက်ခိုက်မှု အလွန်အကျွံ အသုံးပြုခဲ့ရာ ဇွန်လ ၂၇ ရက်မှ ၃၀ ရက်ထိ လေးရက်တာ ကာလအတွင်း လေကြောင်း တိုက်ခိုက်မှုပေါင်း ၉၄ ကြိမ် ပြုလုပ်ခဲ့ကြောင်း သိရသည်။

Journal Download

Photo of three cats