လောပိတတွင် စစ်ကောင်စီရိက္ခာတင်ကားနှင့် KNDF တို့ ထိတွေ့တိုက်ပွဲဖြစ်ပွားပြီး စစ်ကောင်စီဘက်မှ ၄ ဦး သေဆုံး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

လောပိတတွင် စစ်ကောင်စီရိက္ခာတင်ကားနှင့် KNDF တို့ ထိတွေ့တိုက်ပွဲဖြစ်ပွားပြီး စစ်ကောင်စီဘက်မှ ၄ ဦး သေဆုံး

.

ကရင်နီပြည်နယ်၊ လွိုင်ကော်-လောပိတကားလမ်းမပေါ်တွင် ယမန်နေ့ ဇွန်လ ၃၀ ရက်၊ နံနက်ပိုင်းက KNDF တပ်ဖွဲ့ နှင့် စစ်ကောင်စီရိက္ခာတင်ကားတို့ ထိတွေ့တိုက်ပွဲဖြစ်ပွားခဲ့ပြီး စစ်ကောင်စီဘက်မှ ၄ ဦး သေဆုံးခဲ့ကြောင်း သိရသည်။

.

.

KNDF တပ်ရင်း အမှတ် (၁၀) မှ တပ်ဖွဲ့သည် ဇွန်လ ၃၀ ရက်၊ နံနက်ပိုင်းက လွိုင်ကော်-လောပိတလမ်းမပေါ်တွင် ကင်းလှည့်လှုပ်ရှားနေစဉ် လောပိတ အမှတ် (၂) သင်္ဘောပင်စခန်းနှင့် ဓါတ်ဦးပွင့်ဘုန်းကြီးကျောင်းကြား လမ်းမပေါ်တွင် စစ်ကောင်စီ၏ တပ်ရိက္ခာသည်ပို့သည့်ယာဉ်တစ်စီးနှင့် ထိတွေ့မှုဖြစ်ပွားခဲ့ခြင်းဖြစ်ပြီး စစ်ကောင်စီ ဘက်မှ ယာဉ်ပေါ်ပါ တပ်ရေးဗိုလ်ကြီးတစ်ဦး၊ တပ်ကြပ်ကြီးတစ်ဦးနှင့် တပ်သားတစ်ဦးတို့အား ပစ်ခတ်ရှင်းလင်း နိုင်ခဲ့ကြောင်း KNDF က သတင်းထုတ်ပြန်ထားသည်။

.

အဆိုပါ ထိတွေ့တိုက်ပွဲမှာ မိနစ် ၂၀ ခန့် ကြာမြင့်ခဲ့ပြီး တိုက်ပွဲအပြီး ယာဉ်ပေါ်ပါ တပ်ရေးဗိုလ်ကြီး ကိုင်ဆောင်သော ၉ မမပစ္စတိုသေနတ် တစ်လက်၊ ကျည် ၁၂ တောင့်နှင့် ဖုန်း ၂ လုံးတို့ကို သိမ်းဆည်းရမိခဲ့ကာ KNDF ဘက်မှ တစ်စုံတစ်ရာ ထိခိုက်မှုမရှိ ပြန်လည်ဆုပ်ခွာနိုင်ခဲ့ကြောင်း သိရသည်။

.

စစ်ကောင်စီ၏ လောပိတအခြေစိုက် အမှတ် (၇၂)တပ်ရင်းမှ တိုက်ပွဲ ဖြစ်ပွားရာအနီးရှိ ကျေးရွာများဘက်သို့ လက်နက်ကြီးများ ရမ်းသမ်းပစ်ခက်ခဲ့ပြီး လေးအိမ်စုရွာအတွင်း လက်နက်ကြီးကျရောက်၍ နေအိမ်တစ်လုံး ထိခိုက်ပျက်ဆီးခဲ့ကြောင်း ထုတ်ပြန်ချက်တွင် ဖော်ပြထားသည်။

.

[ Source/Photo | KNDF ]

.

Journal Download

Photo of three cats