ICJ တရားရုံးတွင် တရားစွဲထားမှုနှင့်ပတ်သက်၍ မြန်မာ၏ ကန့်ကွက်မှုကို ဇူလိုင်လ ၂၂ ရက်တွင် အမိန့်ချမှတ်မည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ICJ တရားရုံးတွင် တရားစွဲထားမှုနှင့်ပတ်သက်၍ မြန်မာ၏ ကန့်ကွက်မှုကို ဇူလိုင်လ ၂၂ ရက်တွင် အမိန့်ချမှတ်မည်

.

ကုလသမဂ္ဂ၏ အပြည်ပြည်ဆိုင်ရာတရားရုံး (ICJ) တွင် မြန်မာနိုင်ငံအား လူမျိုးသုဉ်းသတ်ဖြတ်မှုနှင့် ပတ်သက်၍ ဂမ်ဘီယာနိုင်ငံက တရားစွဲထားမှုအပေါ် တရားစွဲဆိုခွင့်မရှိဟု မြန်မာနိုင်ငံဘက်က ကန့်ကွက်ထားမှုကို လာမည့် ဇူလိုင်လ ၂၂ ရက်တွင် အပြီးသတ် ဆုံးဖြတ်ချက်ချမည်ဖြစ်ကြောင်း ICJ က ထုတ်ပြန်ထားဟု သိရသည်။

.

.

အဆိုပါဆုံးဖြတ်ချက် ချမှုကို လာမည့် ဇူလိုင်လ ၂၂ ရက်နေ့ ဒေသစံတော်ချိန် ညနေ ၃ နာရီတွင် ပြုလုပ်မည်ဖြစ်ပြီး သက်ဆိုင်ရာ နိုင်ငံများမှ ကိုယ်စားလှယ်များ တက်ရောက်ကြမည်ဖြစ်ကာ အများပြည်သူများအနေဖြင့် UN Web TVICJ Website  အပါအဝင် တိုက်ရိုက် ထုတ်လွှင့်မှုများမှတစ်ဆင့် အမှုဆုံးဖြတ်ချက်ကို စောင့်ကြည့်နိုင်ကြောင်း ICJ က ထုတ်ပြန်ထားသည်။

.

ပြီးခဲ့သည့် ဖေဖော်ဝါရီလ ၂၃ ရက်မှ ၂၈ ရက်အထိ ကြားနာမှုများတွင် ဂမ်ဘီယာနိုင်ငံသည် မြန်မာနိုင်ငံအား တရားစွဲ ဆိုခွင့်မရှိကြောင်း ICJ အနေဖြင့် ကြေညာပေးရန် စစ်ကောင်စီကိုယ်စားလှယ်အဖွဲ့က တရားရုံးကို တင်ပြခဲ့ပြီး တရားရုံး နောက်ဆုံးကြားနာမှုတွင် ဂမ်ဘီယာနိုင်ငံ၏ ဥပဒေအကျိုးဆောင်က မြန်မာ၏ တင်ပြချက်များကို ငြင်းဆိုပြီး ဂမ်ဘီယာ ၏ တင်ပြချက်များကို လက်ခံပေးရန်နှင့် မြန်မာကို တရားစွဲဆိုပေးရန် တင်ပြထားကြောင်း သိရသည်။

.

ICJ တွင် တရားစွဲဆိုထားမှုနှင့် ပတ်သက်၍ NLD အစိုးရလက်ထက်က နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင်ဦးဆောင်၍ တရားရင်ဆိုင် ဖြေရှင်းခဲ့ပြီး  စစ်ကောင်စီလက်ထက်တွင်မူ ဦးကိုကိုလှိုင် ဦးဆောင်သည့်အဖွဲ့က ရင်ဆိုင်ဖြေရှင်းနေခြင်းဖြစ်ကြောင်း သိရသည်။

.




.

Journal Download

Photo of three cats