အောင်ပန်းတွင် ပထွေးဖြစ်သူ၏ ရိုက်နှက်မှုကြောင့် မိန်းကလေးငယ်တစ်ဦး သေဆုံး

.

ကလောမြို့နယ်၊ အောင်ပန်းမြို့၊ လေးအိမ်ကုန်းကျေးရွာတွင် ယမန်နေ့ ဇူလိုင်လ ၁၉ ရက်၊ ညပိုင်းက ပထွေးဖြစ်သူ၏ ရိုက်နှက်မှုကြောင့် မိန်းကလေးငယ်တစ်ဦး သေဆုံးမှုဖြစ်ပွားခဲ့ကြောင်း သိရသည်။

.

.

အောင်ပန်းမြို့၊ လေးအိမ်ကုန်းကျေးရွာနေ ဦးထွန်းသည် မယားပါသမီးဖြစ်သူ မထွေးအား ရိုက်နှက်ရာ မိန်းကလေးငယ် မှာ ရရှိဒဏ်ရာများဖြင့် သေဆုံးခဲ့ခြင်းဖြစ်ကြောင်း သိရသည်။

.

“ရိုက်တဲ့သူက ပထွေးပါ။ အဲဒီလို ရိုက်နေတာတော့ ၂ ရက်လောက်ရှိပြီ။ သူ့မှာလည်း အရင်မိန်းမနဲ့ ကလေးတွေ ရှိတယ်လို့ ပြောပါတယ်။ နောင်စံဖူးရွာကပါ” ဟု ဒေသခံတစ်ဦးက ပြောသည်။

.

သေဆုံးသူမှာ အသက် ၃၀ ဝန်ကျင်ခန့်ရှိပြီဖြစ်ပြီး ဦးခေါင်းနောက်စေ့ ပေါက်ပြဲဒဏ်ရာအပြင် အခြားဒဏ်ရာများဖြင့် သေဆုံးခဲ့ခြင်းဖြစ်ကာ ရုပ်အလောင်းအား နာရေးကူညီမှုအသင်းအောင်ပန်းမှ အောင်ပန်းဆေးရုံရှိ ရင်ခွဲရုံသို့ ပို့ဆောင်ပေးခဲ့ပြီး ယနေ့ ဇူလိုင်လ ၂၀ ရက်၊ ညနေပိုင်းတွင် ပို့ဆောင်သင်္ဂြိုဟ်သွားမည်ဖြစ်ကြောင်း သိရသည်။

.