ဒီးမော့ဆိုမြို့နယ်၊ စံပြ (၆) မိုင်ကျေးရွာတွင် စစ်ကောင်စီတပ်က သတ်ဖြတ်၍ ရေတွင်းထဲ ပစ်ချခဲ့သည့် ညီအစ်ကို ၂ ဦး၏ အရိုးများကို ဆယ်ယူ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ဒီးမော့ဆိုမြို့နယ်၊ စံပြ (၆) မိုင်ကျေးရွာတွင် စစ်ကောင်စီတပ်က သတ်ဖြတ်၍ ရေတွင်းထဲ ပစ်ချခဲ့သည့် ညီအစ်ကို ၂ ဦး၏ အရိုးများကို ဆယ်ယူ

.

ဒီမော့ဆိုမြို့နယ်၊ စံပြ (၆) မိုင်ကျေးရွာတွင် ပြီးခဲ့သည့် ဖေဖော်ဝါရီလအတွင်း စစ်ကောင်စီတပ်က သတ်ဖြတ်ကာ ရေတွင်ထဲပစ်ချခဲ့သည့် ညီအစ်ကို ၂ ဦး၏ အရိုးများကို Free Burma Ranger က ဆယ်ယူပေးခဲ့ကြောင်း သိရသည်။

.

.

အဆိုပါ ညီအစ်ကို ၂ ဦးသည် အခြား ရွာသား ၂ ဦးနှင့်အတူ ပြီးခဲ့သည့် ဖေဖော်ဝါရီလအတွင်းက ဆန်စပါးနှင့် ဟင်းသီး ဟင်းရွက်များ ပြန်ယူရန် ရွာသို့ပြန်လာစဉ် စစ်ကောင်စီတပ်နှင့် တွေ့ဆုံ၍ ဖမ်းဆီးနှိပ်စက်သတ်ဖြတ်ကာ ၂ ဦးကို အိမ်သာကျင်းအတွင်းသို့ ပစ်ချပြီး ညီအစ်ကို ၂ ဦးကို ပေ ၄၀ အနက်ရှိ ရေတွင်းထဲသို့ ပစ်ချခဲ့ခြင်းဖြစ်ကြောင်း သိရသည်။

.

ပျောက်ဆုံးညီအစ်ကို ၂ ဦးအား ကျေးရွာသားများနှင့် ဒေသကာကွယ်ရေးတပ်များမှ လိုက်လံရှာဖွေရာ ၃ ပတ်အကြာ တွင် ပြန်လည်တွေ့ရှိပြီး ကြိုးစားဆယ်ယူခဲ့သော်လည်း အဝတ်အစားနှင့်အရိုးအချို့ကိုသာ ဆယ်ယူရရှိကာ ကောင်းမွန် စွာ မြေမြှုပ်သင်္ဂြိုဟ်ပေးခဲ့ကြောင်း သိရသည်။

.

ယင်းနောက် ၅ အကြာတွင် အရိုးများကို ပြန်လည်ဆယ်ယူ‌ပေးရန် အကူအညီတောင်းခံလာသည့်အတွက် KNDF တပ်ရင်း (၉) အကူအညီဖြင့် ရေစုပ်ထုပ်ပြီး Free Burma Ranger တည်ထောင်သူ Dave Eubank ကိုယ်တိုင် ရေတွင်းထဲဆင်း၍ ဆယ်ယူခဲ့ရာ ကျန်အရိုးစုဖြစ်သော ဦးခေါင်းခွံ ၂ ခုကို ဆယ်ယူရရှိခဲ့ပြီး မိသားစုထံ အပ်နှံခဲ့ကြောင်း သိရသည်။

.

Free Burma Ranger သည် ကရင်နှင့် ကရင်နီ (ကယား)ပြည်နယ်များတွင် စစ်​​ဘေးဒုက္ခသည်များကို အ​ရေး​ပေါ် ကျန်းမာ​ရေး​စောင့်​ရှောက်မှုနှင့် ကယ်ဆယ်​ရေးလုပ်ငန်းများ ကူညီ​ပေးန​သောအဖွဲ့ဖြစ်ကြောင်း သိရသည်။

.

Journal Download

Photo of three cats