အင်းလေးတွင် လောင်းကစားဝိုင်းများ ကာလရှည် လုပ်ကိုင်နေခြင်းကြောင့် ခိုးဆိုးနှိုက်မှု များလာ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

အင်းလေးတွင် လောင်းကစားဝိုင်းများ ကာလရှည် လုပ်ကိုင်နေခြင်းကြောင့် ခိုးဆိုးနှိုက်မှု များလာ

.

ကမ္ဘာကျော် အင်းလေးကန် တည်ရှိရာ ညောင်‌ရွှေမြို့နယ်၊ အင်းလေးဒေသတွင် လောင်းကစားဝိုင်းများ ကာလရှည်ကြာ လုပ်ကိုင်နေခြင်းကြောင်း ခိုးဆိုးလုနှိုက်မှုများ ပိုမိုများပြားလာပြီး ဒေသခံများ အခက်တွေ့နေရကြောင်း သိရသည်။

.

.

အင်းလေးဒေသ၊ မင်းချောင်းကျေးရွာတွင် ယင်းကဲ့သို့ လောင်းကစားဝိုင်းများ ပြုလုပ်နေသည်မှာ ၄ လခန့် ကြာမြင့်နေပြီ ဖြစ်ပြီး လိုင်းကြေးပေးထားသည့်အတွက် စစ်ကောင်စီရဲများက ဖမ်းဆီးခြင်းမရှိကြောင်း ဒေသခံတစ်ဦးက ပြောသည်။

.

“စီးပွားရေး ကြပ်တည်းချိန်ဆိုတော့ ခိုးဆိုးလုယက်တွေလည်း များနေပါပြီ။ သက်ဆိုင်ရာသိအောင် တင်ပြပေးစေချင် ပါတယ်။ ဂုံးဂင်းဝိုင်းလည်း ရှိပါတယ်။ ကားလမ်းဘေးတင်ပါပဲ” ဟု ၎င်းက ပြောသည်။

.

ညောင်ရွှေမြို့နယ်၊ အင်းလေးကန်ဒေသသည် မြန်မာနိုင်ငံတွင်မက ကမ္ဘာကျော် ထင်ရှားပြီး နှစ်စဉ် နိုင်ငံခြား ခရီးသွား ဧည့်သည်များ အများဆုံး လာရောက်တတ်သည့် နေရာတစ်ခုဖြစ်ကာ ယခုကဲ့သို့ ခိုးဆိုးလုနှိုက်မှုများကြောင့် အရှက်ရ စရာ ဖြစ်လာနေကြောင်း ဒေသခံများက ပြောဆိုကြသည်။

.

ရှမ်းပြည်နယ်အတွင်းရှိ မြို့နယ်ဒေသအသီးသီးတွင် လောင်းကစားဝိုင်းအမျိုးမျိုးကို ဆက်ကြေး (လိုင်းကြေး)ငွေ ရယူ၍ စစ်ကောင်စီ လက်အောက်ခံ အဖွဲ့များက ဖွင့်လှစ်ခွင့် ပြုနေခြင်းဖြစ်ပြီး ယင်းကဲ့သို့ လောင်းကစားဝိုင်းများ ဖွင့်လှစ်ခြင်းကြောင့် ခိုးမှု၊ လုယက်မှု အပါအဝင် ဒုစရိုက်မှုများ ပိုမိုဖြစ်ပွားလာနေကြောင်း ဒေသခံများထံက သိရသည်။

.

#KBZTai  #8July2022

.

Link –

.

Journal Download

Photo of three cats