တောင်ကြီးမြို့ပေါ် ရပ်ကွက်အချို့တွင် မနက်ဖြန် ဇူလိုင်လ ၃၁ ရက် လျှပ်စစ်ဓါတ်အား ပြတ်တောက်မည် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တောင်ကြီးမြို့ပေါ် ရပ်ကွက်အချို့တွင် မနက်ဖြန် ဇူလိုင်လ ၃၁ ရက် လျှပ်စစ်ဓါတ်အား ပြတ်တောက်မည်

.

တောင်ကြီးမြို့ပေါ်ရှိ ရပ်ကွက်အချို့တွင် မနက်ဖြန် ဇူလိုင်လ ၃၁ ရက်၌ လျှပ်စစ်ဓါတ်အား ပြတ်တောက်နေမည် ဖြစ်ကြောင်း တောင်ကြီးမြို့နယ် လျှပ်စစ်အင်ဂျင်နီယာရုံးက ယနေ့ ထုတ်ပြန်ထားသည်။

.

.

တောင်ကြီးမြို့၊ အမှတ် (၁) ဓါတ်အားခွဲရုံအတွင်းရှိ 11kV Pannel အဟောင်းများအစား Pannel အသစ်များဖြင့် အသစ်လဲလှယ်ခြင်းလုပ်ငန်းများ ဆောင်ရွက်မည်ဖြစ်သဖြင့် ဇူလိုင်လ ၃၁ ရက်တွင် နံနက် ၉ နာရီမှ ညနေ ၄ နာရီအထိ ဓါတ်အားပိတ်လုပ်ငန်း ဆောင်ရွက်မည်ဖြစ်ကြောင်း သိရသည်။

.

အဆိုပါလုပ်ငန်း ဆောင်ရွက်နေစဉ်ကာလအတွင်း စ၀်စံထွန်းဆေးရုံ၊ စ၀်စံထွန်းရပ်ကွက်၊ မင်္ဂလာဦးရပ်ကွက်၊ ရေအေးကွင်းရပ်ကွက် နေရာအချို့၊ နားယောင်းကျေးရွာအုပ်စု၊ မင်္ဂလာကျေးရွာအုပ်စု၊ ရပခ၊ ရတနာသီရိရပ်ကွက် နေရာများ ဓါတ်အားယာယီပြတ်တောက်နေမည်ဖြစ်ပါကြောင်း မြို့နယ်လျှပ်စစ်အင်ဂျင်နီယာရုံးက ထုတ်ပြန် ထားသည်။

.

“ကြေညာလည်းဖြတ်၊ မကြေညာလည်း ဖြတ်နေတာပါပဲ။ ဒီနေ့လို ဆိုရင်လည်း တစ်နေကုန်နီးပါး မီးပြတ်နေတယ်။ အခုရက်ပိုင်းအတွင်းမှာ မီးပြတ်တာ ခဏခဏပါပဲ။ ချက်ပြုတ်တဲ့အချိန်ဆိုရင် တော်တော်ကို ဒုက္ခရောက်ပါတယ်” ဟု ဒေသခံတစ်ဦးက ပြောသည်။

.

တောင်ကြီးမြို့နယ် လျှပ်စစ်အင်ဂျင်နီယာရုံး၏ လူမှုကွန်ရက်စာမျက်နှာဖြစ်သော ESE Taunggyi တွင် ပြီးခဲ့သည့် ဇူလိုင်လ ၇ ရက်က တောင်ကြီးခရိုင်အတွင်းရှိ မြို့များ၌ အရေးပေါ်အခြေအနေမှ လွဲ၍ အချိန်ပြည့် ဓါတ်အားပေး သွားမည်ဖြစ်ကြောင်း ကြွားလုံးထုတ် ကြေညာထားသော်လည်း ယခုရက်ပိုင်းအတွင်း တောင်ကြီးမြို့ပေါ် ရပ်ကွက်များ တွင် ဓါတ်အားပြတ်တောက်မှု နေ့စဉ်လို ကြုံတွေ့နေရခြင်းဖြစ်သည်။

.

Journal Download

Photo of three cats