မင်းတပ်တွင် စစ်ကောင်စီမှ လက်နက်ကြီးများဖြင့် ပစ်ခတ်မှုကြောင့် ကလေးငယ်တစ်ဦး သေဆုံး

.

ချင်းပြည်နယ်၊ မင်းတပ်မြို့နယ်နယ်ရှိ ကျေးရွာများတွင် ဇွန်လ ၂၉ ရက်က စစ်ကောင်စီမှ လက်နက်ကြီးများဖြင့် ပစ်ခတ်မှုကြောင့် အသက် ၁၄ နှစ်အရွယ် ကလေးငယ်တစ်ဦး သေဆုံးခဲ့ကြောင်း သိရသည်။

.

.

မင်းတပ်မြို့၊ ခလရ (၂၇၄) တပ်မှ မင်းတပ်မြို့၊ မဒပ် (၄) အုပ်စု၊ မဒပ်ကျေးရွာ၊ လေလှိုင်းအုပ်စုရှိ ကြာလေလှိုင်း ကျေးရွာနှင့် ကြန်းအိမ်နူးကျေးရွာများသို့ လက်နက်ကြီးများဖြင့် ရမ်းသမ်းပစ်ခတ်ခဲ့ရာ မဒပ်ကျေးရွာမှ ကျောင်းနေ အရွယ် အသက် ၁၄ နှစ် ကလေးတစ်ဦး လက်နက်ကြီး နှလုံးတည့်တည့် ထိမှန်ပြီး မိနစ်ပိုင်းအတွင်း သေဆုံးသွားခဲ့ခြင်း ဖြစ်ကြောင်း သိရသည်။

.

အဆိုပါ သေဆုံးသွားသော ကလေးငယ်သည် ယခင် စစ်ကောင်စီမှ လက်နက်ကြီးရမ်းသမ်းပစ်ခတ်မှုကြောင့် ခြေတစ် ဖက် ဆုံးရှုံးထားသည့် ကလေး၏ အစ်ကိုလည်းဖြစ်ကြောင်း သိရသည်။

.

ထို့အပြင် ယင်းကဲ့သို့ စစ်ကောင်စီတပ်မှ လက်နက်ကြီးများ ပစ်ခတ်မှုကြောင့် ကြာလေလှိုင်းအုပ်စု၊ ကြန်အိမ်နူးရွာတွင် စတိုအိမ်တစ်လုံးနှင့် အိမ်မွေးဝက်တစ်ကောင် မီးလောင်ပျက်စီးပြီး၊ ကြာလေလှိုင်းကျေးရွာတွင် လူနေအိမ် ၂ လုံး ထိခိုက် ပျက်စီးခဲ့ရကြောင်း CDF-Mindat (သတင်းနှင့်ပြန်ကြားရေးဌာန) က ထုတ်ပြန်ထားသည်။

.

[ Source/Photo | CDF – Mindat ]

.