မြို့တော်တောင်ကြီးတွင် လုယက်မှုများ မကြာခဏ ဖြစ်ပွားနေ

.

ရှမ်းပြည်နယ်မြို့တော် တောင်ကြီးမြို့တွင် ပစ္စည်းခိုးယူမှုများအပြင် လုယက်မှုများပါ မကြာခဏ ဖြစ်ပွားနေကြောင်း ဒေသခံများထံက သိရသည်။

.

.

တောင်ကြီးမြို့၊ ရေအေးကွင်းရပ်ကွက်တွင် ယနေ့ (ဇူလိုင် ၇ ရက်) ညနေပိုင်းအချိန်က အမျိုးသမီးတစ်ဦးထံမှ ပိုက်ဆံအိတ်လုယက်မှုဖြစ်ပွားခဲ့ပြီး ငွေ ၃ သိန်းကျော်နှင့် အရေးကြီးစာရွက်စာတမ်းတချို့ လုယက်ခံခဲ့ရကြောင်း သိရသည်။

.

“အခုက ဘယ်သွားသွား စိတ်မချရတော့ဘူး။ သတိအမြဲကပ်နေမှရတယ်။ တောင်ကြီးမှာ ဆိုတာ အရင်က ဒီလို ဒုစရိုက် မှုတွေ သိပ်မကြားဖူးပါဘူး။ စစ်ကောင်စီ လက်ထက်မှ မကြားဖူးတာတွေ ကြားနေရတယ်” ဟု တောင်ကြီးဒေသခံ တစ်ဦးက ပြောသည်။

.

တောင်ကြီးမြို့ ပေါ်တွင် နေ့စဉ်ခိုးယူမှုများ ဖြစ်ပေါ်နေပြီး ကား၊ ဆိုင်ကယ်၊ လက်ကိုင်တယ်လီဖုန်းနှင့် အခြားရောင်းချ ရလွယ်ကူပြီး ငွေဖြစ်လွယ်သည့်ပစ္စည်းများ နေ့စဉ်ခိုးယူခံနေရကြောင်း ဒေသခံများက ပြောသည်။

.

ပြီးခဲ့သည့် ဇွန်လ ၂၈ ရက်၊ ညအစောပိုင်းကလည်း တောင်ကြီးမြို့၊ ညောင်ရွှေဟော်ကုန်းရပ်ကွက်၊ မြကန်သာပန်းခြံ အနီးတွင် လူငယ် ၂ ဦးအား ဓါးဖြင့်ခုတ်ပြီး လုယက်မှု ဖြစ်ပွားခဲ့ဖူးသည်။

.

စစ်ကောင်စီ အာဏာသိမ်းပြီး နောက်ပိုင်း တောင်ကြီးမြို့ပေါ်တွင် ဖောက်ထွင်း ခိုးယူမှုများလည်း မကြာခဏ ဖြစ်ပွား နေပြီး မော်တော်ဆိုင်ကယ် ခိုးယူခံရခြင်းများ နေ့စဉ်လို ဖြစ်ပွားနေသော်လည်း ပစ္စည်း ပြန်လည် ရရှိခြင်း မရှိသလို ခိုးယူသူများကို ဖမ်းဆီးရမိမှု မရှိကြောင်း သိရသည်။

.

#KBZTai  #7July2022

.

Link –

.