တောင်ကြီးတွင် စက်သုံးဆီဈေးကျသော်လည်း ကုန်ဈေးနှုန်း ကျဆင်းခြင်းမရှိ - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

တောင်ကြီးတွင် စက်သုံးဆီဈေးကျသော်လည်း ကုန်ဈေးနှုန်း ကျဆင်းခြင်းမရှိ

.

မြို့တော် တောင်ကြီးတွင် ယခုရက်ပိုင်းအတွင်း စက်သုံးဆီဈေးနှုန်းများ အနည်းငယ် ကျဆင်းလာသော်လည်း စားသောက်ကုန် ဈေးနှုန်းများ ကျဆင်းခြင်းမရှိကြောင်း ဒေသခံများက ပြောဆိုကြသည်။

.

.

အခြေခံ စားသောက်ကုန်များဖြစ်သည့် ဆန်၊ ဆီ၊ ကြက်ဥနှင့် အခြားမီးဖိုချောင်သုံး ပစ္စည်းဈေးနှုန်းများ ကျဆင်းလာခြင်း မရှိသည့်အတွက် အခြေခံလူတန်းစားများအကြား ခက်ခဲနေဆဲဖြစ်ကြောင်းသိရသည်။

.

“ဓာတ်ဆီဈေး တက်တာနဲ့ စားသောက်ကုန်ဈေးနှုန်းက အမြဲတမ်းလိုက်တက်တာပေါ့။ အခုဓာတ်ဆီဈေးတွေကျတော့ ကုန်ဈေးနှုန်းက လိုက်မကျလာဘူး။ မီးဖိုချောင်သုံးပစ္စည်းတွေက အကုန်ကို ဈေးတက်နေသေးတာ” ဟု အိမ်ထောင်ရှင်မ တစ်ဦးက ပြောသည်။

.

တောင်ကြီးမြို့တွင် မနောသုခဆန်တစ်အိတ်လျှင် ၄၂၀၀၀ ကျပ်၊ ဆန်ကြမ်းတစ်အိတ်လျှင် ၃၂၀၀၀ ကျပ်၊ ပေါ်ဆန်းမွှေး တစ်အိတ်လျှင် ၆၄၀၀၀ ကျပ်နှင့် စားအုန်းဆီ တစ်ပိသာလျှင် ၈၄၀၀ ကျပ် ရောင်းချနေကြောင်းသိရသည်။

.

“ပစ္စည်းတွေက အတက်ဈေးနဲ့ ဝယ်ထားရတော့ ဓာတ်ဆီစျေးကျသွားလည်း ချက်ချင်းဈေးလိုက်ချဖို့က မလွယ်ဘူးလေ။ ဓာတ်ဆီဈေးကလည်း အမြဲတမ်းကျမယ်လို့လည်း ပြောလိုမှမရသေးတာဆိုတော့ အဆင်ပြေအောင်တော့ ထိန်းရောင်း ပေးနေပါတယ်” ဟု ကုန်မျိုးစုံ လက်လီအရောင်းဆိုင်ရှင် တစ်ဦးကပြောသည်။

.

ပြီးခဲ့သည့်လပိုင်းက တောင်ကြီးမြို့တွင် အောက်တိန်း 92 စက်သုံးဆီတစ်လီတာလျှင် ၂၅၀၀ ဝန်းကျင် အထိ ပေးဝယ်ခဲ့ရပြီး ယခုရက်ပိုင်းတွင်တစ် လီတာ ၁၈၀၀ ကျပ်ဝန်းကျင်အထိ ကျဆင်းလာကြောင်း သိရသည်။

.


Journal Download

Photo of three cats