.
တောင်ကြီးမြို့၊ ကံသာရပ်ကွက်၊
မေတ္တာရှင်ဆေးရုံအနီး၊ မေတ္တာရှင်လမ်းပေါ်ရှိ မီးသတ်ဦးစီးဌာန အဖွဲ့ခွဲရုံးဝင်း အား
ကာရံထားသော မြေထိန်းကျောက်နံရံမှာ ပြိုကျတော့မည်အခြေအနေ ဖြစ်ပေါ်နေပြီး လမ်းသွားလမ်းလာများနှင့်
အနီးဝန်းကျင်တွင် နေထိုင်သူများအတွက် စိုးရိမ်နေရကြောင်း ဒေသခံများထံက သိရသည်။
.
“မေတ္တာရှင်ဆေးရုံဘေးက
မီးသတ်ရုံးဝင်း မြေထိန်းကျောက်နံရံပါ။ ဒီလောက် ပြိုကျလုဆဲဆဲ ဖြစ်နေတာတောင်မှ သေသေချာချာ
ဘာမှမစီစဉ်ထားဘဲနဲ့ အဖြစ် တုတ်ကလေးတွေထောက်ထားတော့ စိုးရိမ်ရတာပေါ့။ လမ်းကို ပိတ်ထားတယ်
ဆိုပေမဲ့ သွားလာနေကြတုန်းပါပဲ။ နောက်ပြီး အဲဒီအောက်ဘက်မှာ နေတဲ့ နေအိမ်တွေလည်း အများကြီးရှိနေတော့
စိုးရိမ်ရပါတယ်” ဟု ဒေသခံတစ်ဦးက ပြောသည်။
.
အဆိုပါ ပြိုကျလုဆဲဆဲ
မီးသတ်ရုံး မြေထိန်းကျောက်နံရံသည် အရှည် ၁၉၅ ပေရှိပြီး အမြင့်ဆုံးနေရာတွင် ၁၅ ပေခန့်
အမြင့် ရှိနိုင်ကာ လက်ရှိတွင် သစ်သားတန်းများဖြင့် ထောက်ထားပြီး အချိန်မရွေး လမ်းပေါ်သို့
ပြိုကျနိုင်ကြောင်း သိရသည်။
.
ကံသာရပ်ကွက်အုပ်ချုပ်ရေးမှူးရုံးက
ယင်းလမ်းအား အန္တရာယ်ရှိကြောင်း သတိပေးစာကပ်၍ လမ်းတစ်ခြမ်းကို ဝါးကပ် များဖြင့် ကာရံထားသော်လည်း
ဖြတ်သန်းသွားလာသူများ ရှိနေဆဲဖြစ်ကြောင်း သိရသည်။
.
#KBZTai #22July2022
.
Link –
.
