တောင်ကြီးရှိ ဆေးဆိုင်ကြီးအချို့တွင် အိမ်သုံးဆေးဝါးများကို အကန့်အသတ်ဖြင့် ရောင်းချပေးနေ

.

တောင်ကြီးမြို့ပေါ်ရှိ အိမ်သုံးဆေးဝါး ဖြန့်ဖြူးရောင်းချသည့် ဆိုင်ကြီးများတွင် ယခုရက်ပိုင်းအတွင်း ဆေးဝါးများကို အကန့်အသတ်ဖြင့် ရောင်းချပေးနေကြောင်း သိရသည်။

.

.

မြန်မာနိုင်ငံတစ်ဝှမ်း မြို့ကြီးများတွင် အိမ်သုံးဆေးဝါးများ ဝယ်ယူရ ခက်ခဲလာနေခြင်းကြောင့် ယခုကဲ့သို့ အကန့်အသတ်ဖြင့် ရောင်းချခြင်း ဖြစ်နိုင်ကြောင်း ဒေသခံများက ပြောဆိုကြသည်။

.

“အခုက အိမ်သုံးဆေးတောင် ဝယ်ရခက်လာတာပေါ့။ ပါရာစီတမောနဲ့ ဒီကိုဂျင်တောင်မှ ဝယ်ရတာ အကန့်အသတ်နဲ့ ဖြစ်လာတယ်။ မဖြစ်မနေ လိုအပ်တဲ့ဆေးတွေ ဝယ်ရခက်ရင် သက်ကြီးရွယ်အိုတွေအတွက် အတော်ကြီး ဒုက္ခများ နိုင်တယ်” တောင်ကြီးမြို့နေ ဒေသခံတစ်ဦးက ပြောသည်။

.

ယင်းကဲ့သို့ အိမ်သုံးဆေးဝါးများကို အကန့်အသတ်ဖြင့် ဝယ်ယူနေရသည့်အပြင် ဈေးနှုန်းများလည်း မြင့်တက်လာနေ ကြောင်း၊ ယခင် ပါရာစီတမော ဆယ်လုံးပါတစ်ကတ်လျှင် ၅၀၀ ကျပ်ခန့်သာရှိရာမှ ယခုအခါ ၁၀၀၀ ကျပ်ဝန်းကျင် ပေးဝယ်နေရကြောင်း ဒေသခံများက ပြောဆိုကြသည်။

.

အိမ်သုံးဆေးဝါးများကို ပြည်ပနိုင်ငံများမှ အဓိက ဝယ်ယူတင်သွင်းနေရခြင်းဖြစ်ပြီး ယခုအခါ ဒေါ်လာဈေး တက်လာမှု နှင့် ပြည်ပမှ ဆေးအဝင် နည်းပါးလာမှုကြောင့် ဆေးဝါးတင်သွင်းသည့် ကုမ္ပဏီအချို့ ပစ္စည်းပြတ်ပြီး အရောင်းပိတ်ထား ရကြောင်း သိရသည်။

.

#KBZTai #21July2022

.

Link –

.