.
ညောင်ရွှေမြို့တွင် ယနေ့ ဇူလိုင်လ ၂၁ ရက်၊ နံနက်ပိုင်းက ရပ်ကွက်အုပ်ချုပ်ရေးမှူးတစ်ဦး သေနတ်ဖြင့် ပစ်သတ်ခံခဲ့ရ ကြောင်း သိရသည်။
.
ညောင်ရွှေမြို့၊ မင်္ဂလာရပ်ကွက်အုပ်ချုပ်ရေးမှူး
ဦးသော်တာသည် ယနေ့ ဇူလိုင်လ ၂၁ ရက်၊ နံနက်ပိုင်းက နေအိမ်မှ ဆိုင်ကယ်ဖြင့်ထွက်လာစဉ် နန္ဒဝန်ရပ်ကွက်၊
ဦးဖုန်းကြွယ်ဘုရားအနီးတွင် ဆိုင်ကယ်စီးနင်းလာသူ ၂ ဦးက သေနတ်ဖြင့် ပစ်ခတ်ခဲ့ခြင်းဖြစ်ပြီး
အခင်းဖြစ်နေရာတွင် သေဆုံးသွားခဲ့ကြောင်း ဒေသခံများထံက သိရသည်။
.
အဆိုပါဖြစ်စဉ် ဖြစ်ပွားပြီးနောက်
သေနတ်သမားများထွက်သွားသည်ဟု ယူဆရသော အင်းလေးဟိုတယ်ဇုန်၊ အင်ကြင်းကုန်းရွာအနီးရှိ
ကားလမ်းမနှင့် ရေဦးရွာတို့၌ စစ်ကောင်စီတပ်နှင့် ရဲများက ပိတ်ဆို့စစ်ဆေးမှုများ
လုပ်ဆောင် လျက်ရှိကြောင်း သိရသည်။
.
ယင်းပစ်ခတ်မှုနှင့်
ပတ်သက်၍ တော်လှန်ရေးအဖွဲ့များနှင့် စစ်ကောင်စီဘက်တို့မှ တစ်စုံတစ်ရာ ထုတ်ပြန်ထားခြင်း
မရှိသေးချေ။
.
