လွိုင်ကော်-မော်ချီးလမ်းအား တစ်ပတ်လျှင် ၃ ရက်သာ ဖြတ်သန်းခွင့်ပြုမည်ဟု ကရင်နီပြည်နယ်အစိုးရ ထုတ်ပြန်

.

လွိုင်ကော်-မော်ချီးလမ်းမကြီးအား တစ်ပတ်လျှင် ၃ ရက်သာ ဖြတ်သန်းသွားလာခွင့်ပြုမည်ဖြစ်ကြောင်း ကရင်နီ ပြည်နယ်အစိုးရ၊ ပြည်ထဲရေးဝန်ကြီးဌာနက ယမန်နေ့ ဇူလိုင်လ ၁၀ ရက်တွင် ထုတ်ပြန်ကြေညာထားသည်ဟု သိရသည်။

.

.

ထုတ်ပြန်ချက်တွင် လွိုင်ကော်-မောချီးလမ်းမကြီးအား တစ်ပတ်လျှင် တနင်္လာ၊ အင်္ဂါ၊ ဗုဒ္ဓဟူး ၃ ရက်သာ ဖြတ်သန်း သွားလာရန်၊ ပြည်ပခရီးသွားများအား သယ်ဆောင်ခြင်းမပြုရန်၊ ဘိလပ်မြေသယ်ဆောင်လာသော ကားများအား အမှတ် (၂) ခရိုင် ထောက်ခံစာပါမှသာ သွားလာခွင့်ပြုရန်၊ ဆန် ၁၀ အိတ်ထက် ပိုမိုသယ်ဆောင်ခြင်းမပြုရန်နှင့် ကန့်သတ်ထားသော ကုန်များသယ်ဆောင်ခြင်းမပြုရန်တို့ကို တားမြစ်ထားပြီး လိုက်နာခြင်းမရှိပါက အရေးယူခြင်း ခံရမည်ဖြစ်ကြောင်း ဖော်ပြထားသည်။

.

ထို့ကြောင့် ခရီးသွားယာဉ်မောင်းများအနေဖြင့် လမ်းဖွင့်ထားသည့် ၃ ရက်အတွင်းသာ သွားလာကြရန် မေတ္တာ ရပ်ခံကြောင်း ထုတ်ပြန်ချက်တွင် ဖော်ပြထားသည်။

.

ကရင်နီပြည်နယ်အစိုးရ၊ ပြည်ထဲရေးဝန်ကြီးဌာန၊ ဒီးမော့ဆိုမြိုနယ်အုပ်ချုပ်ရေးမှူးနှင့် KNDF တပ်ရင်း - ၉ ၊ ၁၀ တို့၏ အစည်းအဝေးဆုံးဖြတ်ချက်အရ အဆိုပါ စည်းကမ်းများကို ထုတ်ပြန်ခဲ့ခြင်းဖြစ်ကြောင်း သိရသည်။

.