စစ်ကောင်စီ ယန္တရားကို အထောက်အပံ့ဖြစ်စေသော လုပ်ငန်းများကို ရပ်တန့်ရန် ညောင်ရွှေ AFJ အဖွဲ့ သတိပေး - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီ ယန္တရားကို အထောက်အပံ့ဖြစ်စေသော လုပ်ငန်းများကို ရပ်တန့်ရန် ညောင်ရွှေ AFJ အဖွဲ့ သတိပေး

.

စစ်ကောင်စီ ယန္တရားကို အထောက်အပံ့ဖြစ်စေသော လုပ်ငန်းများကို ရပ်တန့်ကြရန် ညောင်ရွှေမြို့နယ်အခြေစိုက် Assassin For Justice-AFJ ပြောက်ကျားအဖွဲ့က ယနေ့ ဇူလိုင်လ ၂၄ ရက်တွင် သတိပေးစာ ထုတ်ပြန်ခဲ့သည်ဟု သိရသည်။

.

.

ညောင်ရွှေမြို့နယ်ရှိ ပြည်သူများ၊‌ တောင်သူများထံမှ ရေခွန်များ အတင်းအဓ္ဓမ ကောက်ယူရန် လုပ်ဆောင်နေသော အထွေထွေအုပ်ချုပ်ရေး ဦးစီးဌာနနှင့် ဆည်‌‌မြောင်းဌာနတို့၏ လုပ်ရပ်များကို မပြုလုပ်ရန် တားမြစ်ကြောင်း AFJ က ထုတ်ပြန်ထားသည်။

.

ထို့အပြင် အင်းလေးစာပေနှင့် ယဉ်ကျေးမှုအသင်းမှ အင်းလေးရေပြင် သန့်ရှင်း‌ရေးကို အကြောင်းပြပြီး ပြည်သူများထံမှ ငွေကြေး ကောက်ခံကာ လုပ်အား အခမဲ့ အသုံးချ၍ စစ်ကောင်စီ အတွက် စည်းရုံးရေး အသွင်ဆောင်မည့် ဗေဒါဆယ်ယူ သန့်ရှင်းရေး အစီအစဉ်သည်လည်း လျော်ကန်မှု မရှိသည့်အတွက် သတိပေးကြောင်း ထုတ်ပြန်စာတွင် ဖော်ပြထား သည်။

.

ထို့အပြင် ဒေသတွင်း စစ်ကောင်စီ ယန္တရားကို အထောက်အပံ့ ဖြစ်စေသော မည်သည့် လုပ်ရပ်များမဆို ရပ်တန့်ကြရန် နှင့် စစ်ကောင်စီ၏ ထောက်တိုင်အဖြစ် ဆက်လက် ရပ်တည်နေမည် ဆိုပါက လုပ်သင့်လုပ်ထိုက်သည်များကို ပြည်သူ့‌ရှေ့က ရပ်တည် လုပ်ဆောင်မည်ဖြစ်ကြောင်း AFJ အဖွဲ့က ဆိုသည်။

.

AFJ အဖွဲ့သည် ပြီးခဲ့သည့် ဇူလိုင်လ ၂၁ ရက်ကလည်း ပြည်သူများထံမှ ငွေကြေးကောက်ခံခြင်းမပြုရန် တားမြစ် သတိပေးချက်ကို မလိုက်နာသည့် မင်္ဂလာရပ်ကွက်အုပ်ချုပ်ရေးမှူး ဦးသော်တာအား ရှင်းလင်းခဲ့ကြောင်း ၎င်းတို့ အဖွဲ့က ထုတ်ပြန်ထားသည်။

.

#KBZTai #24July2022

.

Link –

.

Journal Download

Photo of three cats