စစ်ကောင်စီဒေါက်တိုင် ညောင်ရွှေမြို့၊ မင်္ဂလာရပ်ကွက်အုပ်ချုပ်ရေးမှူးအား ရှင်းလင်းခဲ့ ဟု AFJ ပြောက်ကျားတပ်ဖွဲ့ ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

စစ်ကောင်စီဒေါက်တိုင် ညောင်ရွှေမြို့၊ မင်္ဂလာရပ်ကွက်အုပ်ချုပ်ရေးမှူးအား ရှင်းလင်းခဲ့ ဟု AFJ ပြောက်ကျားတပ်ဖွဲ့ ထုတ်ပြန်

.

စစ်ကောင်စီဒေါက်တိုင် ညောင်ရွှေမြို့၊ မင်္ဂလာရပ်ကွက်ရပ်ကွက်အုပ်ချုပ်ရေးမှူး ဦးသော်တာအား ပစ်ခတ်ရှင်းလင်း ခဲ့သည်ဟု Assassin For Justice (AFJ) ပြောက်ကျားတပ်ဖွဲ့က ယနေ့ ဇူလိုင်လ ၂၁ ရက်၊ ညနေပိုင်းတွင် ထုတ်ပြန် ခဲ့သည်။

.

.

အုပ်ချုပ်ရေးမှူး သော်တာသည် ရပ်ကွက်သားများပေါ် ငွေကြေးအမျိုးမျိုး တောင်းခံခြင်း၊ အခြားမြို့ရွာများတွင် သွားရောက် အလုပ်ကိုင်နေသူများကို PDF အဖွဲ့ထံ သွားရောက်သူဟု စွပ်စွဲ၍ ငွေကြေးတောင်းခံခြင်းပြုလုပ်ခဲ့ကြောင်း AFJ ကဆိုသည်။

.

ထို့ကြောင့် ၎င်းအား စစ်ကောင်စီဒေါက်တိုင် မပြုလုပ်ရန် သတိပေးပြောကြားရာ အချိန်မရွေးလာခဲ့ဟု စိန်ခေါ် ပြောဆို သဖြင့် သတိပေးရန် သွားရောက်တွေ့ဆုံရာတွင် ပြန်လည်ရန်မူသဖြင့် ပစ်ခတ်ရှင်းလင်းခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။

.

ထို့အပြင် ညောင်ရွှေမြို့နယ်အတွင်းရှိ အုပ်ချုပ်ရေးမှူးများအား လူထုကို ဖိနှိပ်နေသည့် စစ်ကောင်စီဒေါက်တိုင်အဖြစ် ဆက်လက်မလုပ်ကိုင်ရန်နှင့် လောင်းကစားပြုလုပ်၍ စစ်ကောင်စီကို ငွေကြေးထောက်ပံ့နေသော လောင်းကစားဒိုင် များကို ထပ်မံသတိပေးလိုက်ကြောင်း၊ စစ်အာဏာရှင် တည်တံ့ရေး ဆောင်ရွက်နေသူ အားလုံးကို သုတ်သင် ရှင်းလင်းသွားမည်ဖြစ်ကြောင်း AFJ အဖွဲ့က သတိပေးထုတ်ပြန်ထားသည်။

.

မင်္ဂလာရပ်ကွက်အုပ်ချုပ်ရေးမှူး ဦးသော်တာသည် ယနေ့ ဇူလိုင်လ ၂၁ ရက်၊ နံနက်ပိုင်းက နေအိမ်မှ ဆိုင်ကယ်ဖြင့် ထွက်လာစဉ် နန္ဒဝန်ရပ်ကွက်၊ ဦးဖုန်းကြွယ်ဘုရားအနီးတွင် သေနတ်ဖြင့် ပစ်ခတ်ခံခဲ့ရခြင်းဖြစ်ပြီး အခင်းဖြစ်နေရာတွင် သေဆုံးသွားခဲ့ခြင်းဖြစ်သည်။

.

Journal Download

Photo of three cats