ကျိုင်းတုံတွင် လမ်းဘေးရပ်ထားသည့် ၁၂ ဘီးယာဉ်ကို ဝင်တိုက်၍ ဆိုင်ကယ်မောင်းသူ သေဆုံး

ကျိုင်းတုံမြို့၊ ပန်ဟုန်း စာသင်ကျောင်းရှေ့ လမ်းဘေး၌ ရပ်ထားသော (၁၂)ဘီးယာဉ်၏ အနောက်ပိုင်းကို ယနေ့ ဇူလိုင်လ ၆ ရက်၊ နံနက် အစောပိုင်းက ဆိုင်ကယ် ဖြင့် ဝင်တိုက်ရာမှ ဆိုင်ကယ်မောင်းနှင်သူ အမျိုးသား သေဆုံးခဲ့ကြောင်း သိရသည်။

.

လက်ရှိတွင် သေဆုံးသူမှာ မည်သူမည်ဝါ ဖြစ်သည်ကို မသိရသေးဘဲ နှလုံးလှပိုင်ရှင်များ လူမှုကူညီရေးအသင်းက ရုပ်အလောင်းအား ပြည်သူ့ဆေးရုံ ရင်ခွဲရုံသို့ ကူညီပို့ဆောင်ပေးခဲ့ကြောင်း သိရသည်။

.

အဆိုပါ သေဆုံးသူ၏ အသိမိတ်ဆွေများ အနေဖြင့် သက်ဆိုင်ရာနှင့် ပြည်သူ့ဆေးရုံသို့ ဆက်သွယ် အကြောင်းပေးပါရန် နှလုံးလှပိုင်ရှင်များလူမှုကူညီရေးအသင်းက အသိပေးထားသည်။

.