စစ်ကောင်စီ၏ လုပ်ရပ်များကို R2P အတိုင်း အရေးယူပေးရန် သံအမတ်ကြီး ဦးကျော်မိုးထွန်း ကုလသမဂ္ဂတွင် တိုက်တွန်း

.

အကြမ်းဖက်စစ်တပ်၏ စစ်ရာဇဝတ်မှု၊ လူမျိုးစုလိုက်သုတ်သင်ရှင်းလင်းမှု အစရှိသည့် လုပ်ရပ်များကို (Responsibility to Protect-R2P) အတိုင်း အရေးယူပေးရန် ကုလသမဂ္ဂဆိုင်ရာ မြန်မာအမြဲတမ်းကိုယ်စားလှယ် သံအမတ်ကြီး ဦးကျော်မိုးထွန်းက ပြောကြးခဲ့သည်ဟု သိရသည်။

.

.

Responsibility to Protect (R2P) နှင့် လူမျိုးတုံးသတ်ဖြတ်မှု၊ စစ်ရာဇဝန်မှု၊ လူမျိုးစုအလိုက် သုတ်သင်ရှင်းလင်းမှု အပါအဝင် လူသားမျိုးနွယ်စုအပေါ် ကျူးလွန်သည့် ပြစ်မှုများ ကာကွယ်တာဆီးရေးဆိုင်ရာ ဆွေးနွေးပွဲကို ကုလသမဂ္ဂတွင် ပြုလုပ်ရာ သံအမတ်ကြီးက ယင်းကဲ့သို့ တိုက်တွန်းပြောဆိုခဲ့ခြင်းဖြစ်ကြောင်း PVTV သတင်းတွင် ဖော်ပြထားသည်။

.

ကုလသမဂ္ဂလုံခြုံရေးကော်စီမှ လက်ရှိမြန်မာနိုင်ငံအခြေအနေကို ကာကွယ်ပေးရန် တာဝန်ရှိမှု၊ သတ်မှတ် အဆင့် များနှင့် ကိုက်ညီပြီး ကာကွယ်မှုပေးရန် ပြတ်သားသည့် အရေးယူဆောင်ရွက်မှု ပြုလုပ်ရန် တိုက်တွန်းပြောကြားခဲ့ခြင်း ဖြစ်ပြီး မြန်မာပြည်သူများကိုယ်တိုင် R2P ဆိုင်းဘုတ်များ ကိုင်ဆောင်ကာ တောင်းဆိုမှုများ ပြုလုပ်ခဲ့သော်လည်း အရေးယူ အလေးထားမခံရသေးကြောင်း ၎င်းက ပြောဆိုခဲ့ခြင်းဖြစ်သည်ဟု သိရသည်။

.

ထို့အပြင် အကြမ်းဖက်စစ်ကောင်စီ တပ်သား၏ ဖုန်းအတွင်းမှ ပြည်သူများကို သတ်ဖြတ်ထားသော အချက်အလက် များကိုလည်း ကုလသမဂ္ဂအစည်းအဝေးတွင် ချပြခဲ့ကြောင်း သိရသည်။

.

ဦးကျော်မိုးထွန်းသည် ၂၀၂၀ ပြည့်၊ အောက်တိုဘာလ ၂၀ ရက်တွင် နယူးယောက်ရှိ ကုလသမဂ္ဂရုံး၌ မြန်မာနိုင်ငံ၏ အမြဲတမ်းကိုယ်စားလှယ်အဖြစ် စတင်တာဝန်ယူခဲ့သူဖြစ်ပြီး ၂၀၂၁ ဖေဖော်ဝါရီလ ၂၆ ရက်က ကုလသမဂ္ဂ အထွေထွေညီလာခံတွင် အာဏာသိမ်းကောင်စီကို ဆန့်ကျင်၍ CRPH အတွက်ကိုယ်စားပြု တက်ရောက်ကြောင်း ပြောဆိုခဲ့သူဖြစ်သည်။

.