တိုင်းရင်းသားများနှင့်အတူ တော်လှန်ရေးကို နိုင်အောင် တိုက်ကြမည်ဟု အမျိုးသား ညီညွတ်ရေးအစိုးရ (NUG) ပြည်ထောင်စုဝန်ကြီးချုပ် မန်းဝင်းခိုင်သန်းက ရှေ့တန်း စခန်းတစ်ခုသို့ သွားရောက်ပြီး PDF ရဲဘော်များအား တွေ့ဆုံစဉ် ပြောဆိုခဲ့သည်။
.
ပြည်ထောင်စုဝန်ကြီးချုပ် မန်းဝင်းခိုင်သန်းက အေးအေးချမ်းချမ်း ပညာသင်ကြားနေရမည့် လူငယ်များ အနေဖြင့် တိုင်းပြည်အတွက် လိုအပ်ချိန်တွင် ရှေ့တန်း ထွက်ပြီး ပါဝင်လာသည့်အတွက် ကျေးဇူးတင်ကြောင်းနှင့် စိတ်ဓါတ်က အရေးကြီးကြောင်း၊ CDM များကိုလည်း လေးစားကြောင်း၊ တိုင်းရင်းသားများနှင့်အတူ တော်လှန်ရေးကို နိုင်အောင် တိုက်မည် ဖြစ်ကြောင်း ပြောဆိုခဲ့ခြင်း ဖြစ်သည်။
.
ထို့နောက် ပြည်ထောင်စုဝန်ကြီးချုပ်သည် ရှေ့တန်းရောက် PDF ရဲဘော်များနှင့်အတူ PDF အလံအား အလေးပြုခြင်း၊ ကမ္ဘာ့ပတ်ဝန်းကျင်ထိန်းသိမ်းရေးနေ့ အထိမ်းအမှတ်အဖြစ် သစ်ပင် စိုက်ပျိုးခြင်းတို့ကို ဆောင်ရွက်ခဲ့ကြောင်းလည်း သိရသည်။
.
ပြီးခဲ့သည့် မေလ ၂၄ ရက်ကလည်း NUG ယာယီသမ္မတ ဒူဝါလရှီးလ သည် ရှေ့တန်း တစ်နေရာတွင် PDF ရဲဘော်များအား တွေ့ဆုံ၍ အားပေးခဲ့သည်။
