.
ကလောမြို့နယ်၊ အောင်ပန်းမြို့ရှိ NLD ပါတီ ရှမ်းပြည်နယ်အလုပ်အမှုဆောင်အဖွဲ့ ဥက္ကဋ္ဌ ဦးဇော်မင်းလတ်၏ ယောက္ခမနေအိမ်အား ဇွန်လ ၁၆ ရက်က စစ်ကောင်စီမှ လာရောက်ချိတ်ပိတ်သွားခဲ့ကြောင်း ဒေသခံများထံက သိရသည်။
.
.
အောင်ပန်းမြို့၊ ရပ်ကွက် (၃)၊ ဗထူးလမ်းရှိ ဦးဇော်မင်းလတ်၏ ယောက္ခမနေအိမ်ကို ဇွန်လ ၁၆ ရက်၊ နံနက်ပိုင်းက စစ်ကောင်စီဘက်မှ အင်အား ၂၀ ကျော်ဖြင့် လာရောက်ချိတ်ပိတ်သွားခြင်းဖြစ်ပြီး ယင်းနေအိမ်သည် ဦးဇော်မင်းလတ်၏ နေအိမ်မဟုတ်ဘဲ ၎င်းနှင့်လည်း သက်ဆိုင် ခြင်းမရှိကြောင်း ဒေသခံများက ပြောဆိုကြသည်။
ဦးဇော်မင်းလတ်သည် ၂၀၂၀ ရွေးကောက်ပွဲတွင် ရှမ်းပြည်နယ်လွှတ်တော်၊ ကလောမြို့နယ်မဲဆန္ဒနယ် အမှတ် (၁) မှ ဝင်ရောက်ယှဉ်ပြိုင် အနိုင်ရရှိထားသည့် ကိုယ်စားလှယ်တစ်ဦးဖြစ်ပြီး ဒုတိယအကြိမ် လွှတ်တော်သက်တမ်းတွင်လည်း အမျိုးသားလွှတ်တော်ကိုယ်စားလှယ်အဖြစ် တာဝန်ထမ်းဆောင်ခဲ့သူဖြစ်သည်။
.
