ကရင်နီ (ကယား) ပြည်နယ်၌ ယခု ဇွန်လ ပထမပတ်တိုက်ပွဲများတွင် စစ်ကောင်စီဘက်မှ ၂၆ ဦး သေဆုံးခဲ့ပြီး ၎င်းတို့၏ ရဲဘော် တစ်ဦးလည်း ကျဆုံးခဲ့ကြောင်း ကရင်နီအမျိုးသား ကာကွယ်ရေးတပ် (KNDF)က ယနေ့ ဇွန်လ ၈ ရက်တွင် ထုတ်ပြန်သည်။
.
ထို့အတူ တိုက်ပွဲများအတွင်း စစ်ကောင်စီတပ်၏ ယာဥ် ၃ စီး မီးလောင်ခဲ့ပြီး လက်နက်အချို့နှင့် ယာဥ် ၂ စီးကို သိမ်းဆည်းရမိခဲ့သည်ဟုလည်း ထုတ်ပြန်ချက်တွင် ဖော်ပြထားသည်။
.
စစ်ကောင်စီ တပ်များသည် မိုးဗြဲမြို့ ရပ်ကွက်နေပြည်သူများအား လူသားဒိုင်းအဖြစ် အသုံးပြု၍ မြို့တွင်းသို့ လက်နက်ကြီးများဖြင့် ပစ်ခတ်ခဲ့သဖြင့် ပြည်သူ ၂ ဦး သေဆုံးခဲ့ပြီး ၃ ဦး ဒဏ်ရာရခဲ့သည်ဟုလည်း KNDF က ဆိုသည်။
