ကရင်နီ (ကယား) ပြည်နယ်၊ လွိုင်လင်လေး၌ မူးယစ်ဆေးဝါး သုံးစွဲ၊ ရောင်းဝယ်နေသူများကို ကရင်နီ ပြည်သူ့ကာကွယ်ရေးတပ်ဖွဲ့ (KNDF) တပ်ရင်း(၁၄) နှင့် ကရင်နီပြည်နယ်ရဲတပ်ဖွဲ့ (KSP) တို့က ဇွန်လ ၆ ရက်တွင် ဖမ်းဆီးခဲ့ကြောင်း သိရသည်။
.
လွိုင်လင်လေးမြို့၊ ပိန်းချစ်ကျေးရွာတွင် မူးယစ်ဆေးဝါး သုံးစွဲ၊ ရောင်းဝယ်နေကြောင်း သတင်းအရ ပူးပေါင်းအဖွဲ့သည် ဇွန်လ ၆ ရက်က ပိန်းချစ်ကျေးရွာနေ မောင်ခူရီပါ ၅ ဦးတို့ကို WY စာတမ်းပါ စိတ်ကြွရူးသွပ်ဆေးပြား ၃၂၄ ပြား၊ ငွေစက္ကူနှင့် အခြား သက်သေခံ ပစ္စည်းများနှင့်အတူ ဖမ်းဆီးခဲ့ခြင်း ဖြစ်ကြောင်း သိရသည်။
.
အဆိုပါ ဖမ်းဆီးရမိသူများကို အမှတ် (၅) KSP ထံသို့ သက်သေခံပစ္စည်းများနှင့်အတူ အပ်နှံထားကြောင်း KNDF တပ်ရင်း(၁၄) က ယနေ့ ဇွန်လ ၇ ရက်တွင် သတင်း ထုတ်ပြန်ထားသည်။
