တောင်ကြီးတွင် မြန်မာ-ထိုင်း ဒေသဆိုင်ရာနယ်ခြားကော်မတီ အစည်းအဝေး ကျင်းပနေ

.

၃၄ ကြိမ်မြောက် မြန်မာ-ထိုင်း ဒေသဆိုင်ရာ နယ်ခြားကော်မတီအစည်းအဝေးကို တောင်ကြီးမြို့တွင် ပြုလုပ်လျက်ရှိကြောင်း သိရသည်။

.

.

အစည်းအဝေးကို မြန်မာက အိမ်ရှင်အဖြစ် လက်ခံ၍ တောင်ကြီးမြို့၊ တောင်ကြီးဟိုတယ် ခန်းမတွင် ယမန်နေ့ ဇွန်လ ၂၈ ရက်မှ ယနေ့ ဇွန်လ ၂၉ ရက်အထိ ၂ ရက်တာကျင်းပနေခြင်းဖြစ်ကြောင်း သိရသည်။

.

အစည်းအဝေးတွင် မြန်မာဘက်မှ စစ်ကောင်စီ၏ ကာကွယ်ရေးဦးစီးချုပ်ရုံး (ကြည်း) မှ ဒု-ဗိုလ်ချုပ်ကြီး အောင်စိုး ဦးဆောင်သော အဖွဲ့နှင့် ထိုင်းကိုယ်စားလှယ်အဖွဲ့ကို Lt.Gen. Apichet Suesat ဦးဆောင်တက်ရောက် ဆွေးနွေးလျက်ရှိကြောင်း သိရသည်။

.

အဆိုပါ အစည်းအဝေးတွင် ၃၃ ကြိမ်မြောက် မြန်မာ-ထိုင်းဒေသဆိင်ရာ နယ်ခြားကော်မတီ အစည်းအဝေးမှတ်တမ်းအား ပြန်လည်သုံးသပ်ခြင်း၊ ယုံကြည်မှု တည်ဆောက်ခြင်းဆိုင်ရာကိစ္စများ၊ နယ်စပ်ဒေသပူးပေါင်းဆောင်ရွက်မှု ကိစ္စများ၊ မူးယစ်ဆေးဝါး တားဆီးကာကွယ်ရေး ပူးပေါင်းဆောင်ရွက်မှုဆိုင်ရာကိစ္စများ၊ နှစ်နိုင်ငံနယ်နိမိတ် ဆိုင်ရာကိစ္စများ၊ နယ်စပ်ဒေသဆိုင်ရာ ကိစ္စများနှင့် အခြားကိစ္စများအား ကဏ္ဍအလိုက်ဆွေးနွေး လျက်ရှိကြောင်း သိရသည်။

.