ဒီးမော့ဆိုမြို့နယ်၌ စစ်ကောင်စီတပ်ကို ပူးပေါင်းတပ်ဖွဲ့ ဝင်တိုက်

ကရင်နီ (ကယား) ပြည်နယ်၊ ဒီး​မော့ဆိုမြို့နယ်၊ ဒေါငံခါး​ကျေးရွာ၌ ပြည်သူ့နေအိမ်ကို အသုံးပြုပြီး တပ်စခန်း အခိုင်အမာ​ တည်ဆောက်ထားသော စစ်ကောင်စီတပ်ကို ဇွန်လ ၂၅ ရက်တွင် ပြည်သူ့ကာကွယ်ရေး ပူး​ပေါင်းတပ်ဖွဲ့က သွား​ရောက်တိုက်ခိုက်ခဲ့‌ကြောင်း သိရသည်။

.

DMO PDF ၊ KA၊ KNDF ၊ Loikaw PDF ၊ KRU ၊ အလယ်ပိုင်းတိုင်း(၁၁၀၂) နှင့် အခြား​တော်လှန်​ရေးတပ် အင်အားစုတို့က ပူး​ပေါင်း တိုက်ခိုက်ခဲ့ခြင်း ဖြစ်ပြီး တိုက်ပွဲမှာ နံနက် ၆ နာရီမှ နေ့လယ် ၂ နာရီထိ ပြင်းထန်ခဲ့ကာ စစ်ကောင်စီဘက်မှ ရဟတ်ယာဥ်ဖြင့် ထောက်လှမ်းမှုများ ပြုလုပ်ခဲ့သည်ဟု သိရသည်။

.

ထို့အပြင် ဒီး​မော့ဆိုမြို့နယ်၊ ကုန်း​သာကျေးရွာနှင့်​ သေးဆူလဲ​ကျေးရွာတွင် စစ်​ကောင်စီနှင့် ပူး​ပေါင်းတပ်ဖွဲ့တို့ တိုက်ပွဲ ပြင်းထန်ခဲ့သည့်အပြင် ဒီး​မော့ဆိုနယ်၊ မြို့မရဲစခန်းတွင်လည်း မိနစ် အနည်းငယ်ကြာ ပစ်ခတ်မှုများ ဖြစ်ပွားခဲ့ကြောင်းလည်း သိရသည်။

.

အဆိုပါ တိုက်ပွဲတွင်း စစ်​ကောင်စီတပ်ဘက်မှ ထိခိုက်​ သေဆုံးမှုများ ရှိပြီး ပူး​ပေါင်းတပ်ဖွဲ့ဘက်မှ ၃ ဦး ထိခိုက်ဒဏ်ရာ ရရှိခဲ့သည်ဟု ပြည်သူ့ကာကွယ်​ရေးတပ်-ဒီး​မော့ဆို က ထုတ်ပြန်ထားသည်။