ကျောင်းသားချင်း ခိုက်ရန်ဖြစ်ပွားသည့်ရုပ်သံဖိုင် ထွက်ပေါ်လာပြီးနောက် တောင်ကြီး အထက (၁) တွင် အထူးစည်းကမ်းချက်များ ထုတ်ပြန် - Kanbawza Tai News

Breaking

ကမ္ဘောဇတိုင်း သည် တောင်ကြီးမြို့တွင် အခြေစိုက်၍ ထုတ်ဝေခွင့်အမှတ် (၀၁၀၇၉)ဖြင့် ဆောင်ရွက်နေသည့် သတင်းမီဒီယာ ဖြစ်သည်။ contact; kanbawzatai.editor@gmail.com

ကျောင်းသားချင်း ခိုက်ရန်ဖြစ်ပွားသည့်ရုပ်သံဖိုင် ထွက်ပေါ်လာပြီးနောက် တောင်ကြီး အထက (၁) တွင် အထူးစည်းကမ်းချက်များ ထုတ်ပြန်

.

ပြီးခဲ့သည့် ရက်သတ္တပတ်အတွင်းက တောင်ကြီးမြို့၊ အမှတ် (၁) အခြေခံပညာအက်တန်းကျောင်းတွင် ကျောင်းသားချင်း ခိုက်ရန်ဖြစ်ပွားသည့် ရုပ်သံဖိုင်တစ်ခု လူမှုကွန်ရက်တွင် ထွက်ပေါ်လာပြီးနောက် ကျောင်းသူ/ ကျောင်းသားများအား အထူးစည်းကမ်းချက်များ ထုတ်ပြန်ထားသည်ဟု သိရသည်။

.

.

အဆိုပါ စည်းကမ်းချက်များတွင် ကျောင်းသို့ ဖုန်းယူလာခြင်း၊ ကျောင်းတွင်ခိုက်ရန်ဖြစ်ပွားခြင်း၊ ကျောင်းတွင်း/ ကျောင်းပြင်ပ အုပ်စုဖွဲ့ အနိုင်ကျင့်ခြင်းများ ကျူးလွန်ပါက စစ်ဆေးမေးမြန်းခြင်းမရှိဘဲ ကျောင်းပြောင်းလက်မှတ် ချက်ခြင်း ထုတ်ပေးမည်ဖြစ်ကြောင်းနှင့် ရည်းစားထား ချိန်းတွေ့ခြင်း၊ မဖွယ်မရာ ပြုလုပ်ခြင်း၊ မည်သည့် အကြောင်း အရာမဆို အချိန်းအချက်ပြုလုပ်ခြင်းများ ကျူးလွန်ပါက မိဘနှင့်အတူ ၃ ကြိမ်ခေါ်ယူသတိပေးပြီး ကျောင်းပြောင်း လက်မှတ် ထုတ်ပေးမည်ဖြစ်ကြောင်း ကျောင်းသား/သူများနှင့် မိဘအုပ်ထိန်းသူများကို ခေါ်ယူလက်မှတ်ရေးထိုး ခိုင်းခြင်းဖြစ်သည်ဟု သိရသည်။

.

တောင်ကြီး အထက (၁) ကျောင်းတွင် ပြီးခဲ့သည့် ဇွန်လ ၁၄ ရက်က Grade 10 ကျောင်းသား ၃ နှင့် Grade 9 ကျောင်းသားတစ်ဦးတို့ အွန်လိုင်းဂိမ်းကစားရင်း ဆဲဆိုရာမှ စကားများရန်ဖြစ်ပြီး ကျောင်းသန့်စင်ခန်းအတွင်း ထိုးကြိုက် ခိုက်ရန်ဖြစ်ပွားခဲ့ခြင်းဖြစ်ကြောင်း သိရသည်။

.

Journal Download

Photo of three cats